ინგუშა მშვენიერაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მრეწველობის სპეციალობით 1954 წელს.

1954-1962წწ. საქართველოს მეცნიერებათა აკადემიის სამშენებლო საქმის ინსტიტუტის შემდგომ საბჭოთა კავშირის მეცნიერებათა აკადემიის მოსკოვის მექანიკის ინსტიტუტის ასპირანტი და მეცნიერ-მუშაკი იყო; 1962 წლიდან საქართველოს პოლიტექნიკური ინსტიტუტის "სამშენებლო კონსტრუქციების", შემდგომ "ლითონის კონსტრუქციების" კათედრის ასპირანტი, უფროსი მასწავლებელი, დოცენტი, პროფესორი იყო; 1991 წლიდან კი კათედრის გამგე; 1987 წლიდან სტუ-ს საპროექტო-საკონსტრუქტორო ბიუროს ხელმძღვანელობდა; იყო საქართველოს ურბანიზაციისა და მშენებლობის სამინისტროს კოლეგიის წევრი; მისი სამეცნიერო-პედაგოგიური მოღვაწეობის სფეროს წარმოადგენს მსოფლიოში დომინირებული "ნაგებობათა საიმედობის თეორია (ალბათური ინტერპრეტაციით) სამშენებლო პროექტირებაში"; საქართველოს ტექნიკური უნივერსიტეტის აკადემიური საბჭოს გადაწყვეტილებით, უნივერსიტეტში ხანგრძლივი ნაყოფიერი პედაგოგიური და სამეცნიერო მოღვაწეობისათვის მიენიჭა აკადემიური წოდება ემერიტუსი (2015 წელი).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.440-441;  წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.252

• 1999 - ღირსების ორდენი
  პირველი ქართული კოსმოსური კონსტრუქციის "რეფლექტორის" შექმნისა და ორბიტაზე ჩატარებულ ექსპერიმენტში მონაწილეობისათვის

• ლითონის კონსტრუქციები : სახელმძღვანელო (თანაავტორი) // წ.1, კონსტრუქციის ელემენტები. - ბათუმი, შოთა რუსთაველის სახელმწ. უნ-ტის გამ-ბა და სტ., 2009. - 322გვ.
• მეთოდური მითითებები საკურსო პროექტის შესადგენად ლითონის კონსტრუქციების დამზადების ტექნოლოგიაში (შემდგენელი). - თბილისი, საქართველოს პოლიტექნიკური უნივერსიტეტი, 1984. - 12გვ.