ბიძინა მჭედლიძე

დაბადების ადგილი: ქ. ხონი.

დაამთავრა მოსკოვის საავტომობილო გზების საინჟინრო ინსტიტუტი ავტომაგისტრალებისა და საქალაქო გზების სპეციალობით 1953 წელს.

1953-1955წწ. მუშაობდა სსრ კავშირის სატრანსპორტო მშენებლობის სამინისტროს "გლავდორსტროის" N2 საგზაო სამშენებლო ტრესტში სამუშაოთა მწარმოებლად, უფროს სამუშაოთა მწარმოებლად, უფროს ინჟინრად; 1955-1961წწ. N1 საგზაო-სამშენებლო რაიონ "პამირის ტრაქტის" მთავარ ინჟინრად, ამავე სამინისტროს N2 სამშენებლო რაიონის უფროსად; 1961-1963წწ. "გლავდორსტროის" N20 სამმართველოში მუშაობდა საწარმოო-ტექნიკური განყოფილების უფროსად, ამავე სამშენებლო სამმართველოს უფროსად; 1963-1970წწ. ხელმძღვანელობდა საგზაო-სამშენებლო ტრესტ "იუჟდორსტროის" N983 საგზაო-სამშენებლო სამმართველოს და საბჭოთა სპეციალისტთა ჯგუფს ავღანეთში; 1974 წლიდან სათავეში ედგა საქართველოს საავტომობილო გზების სამინისტროს N2, ხოლო 1979 წლიდან N3 საგზაო-სამშენებლო ტრესტებს; მისი მონაწილეობითა და ხელმძღვანელობით რეკონსტრუქცია ჩაუტარდა მთელი რიგი საავტომობილო გზების არაერთ მონაკვეთს და ცალკეულ ობიექტს; მათ შორის: "გაგრა-ლესელიძის", "შავწყალა-ბზიფის", "გუდაუთა-ათონის", "ჯვარი-ხაიში-მესტიის", ოჩამჩირის ასაქცევი, სოხუმის აეროპორტის, "სოხუმი-დრანდის" საავტომობილო გზის მონაკვეთებს და უნიკალურ სახიდე გადასასვლელებს "გაგრა-ლესელიძის" გზის მონაკვეთზე. მიღებული აქვს აფხაზეთის ავტონომიური რესპუბლიკის უმაღლესი საბჭოს პრეზიდიუმის საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.443

• მედალი "შრომითი წარჩინებისთვის"
• ხალხთა მეგობრობის ორდენი
• საპატიო მეგზევე
• საქართველოს დამსახურებული ინჟინერი