კონსტანტინე მხეიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1965 წელს; საქართველოს მეცნიერებათა აკადემიის მეცნიერებათა აკადემიის მეცნიერებისა და ტექნიკის სახელმწიფო კომიტეტთან არსებული სახალხო მეურნეობის მართვის ინსტიტუტი 1985 წელს.

1965 წლიდან მუშაობდა რუსეთში, ქ. ტოლიატის ერთ-ერთ სამშენებლო ორგანიზაციაში ოსტატად; 1966 წლიდან მუშაობდა საქართველოს მშენებლობის სამინისტროს სისტემაში: N2 სამშენებლო ტრესტის ოსტატად, სამუშაოთა მწარმოებლად, უფროს სამუშაოთა მწარმოებლად, N4 სამშენებლო სამმართველოს მთავარ ინჟინრად (1966-1972); 1972-1978წწ. პროფესიული საქმიანობის შემდეგ ეტაპზე მუშაობდა საქართველოს მშენებლობის სამინისტროს N13 სამშენებლო ტრესტის N1 სამშენებლო სამმართველოს უფროსად; 1978-1997წწ. ტრესტის მთავარ ინჟინრად და მმართველად; 1997 წლიდან შპს "N13 ტრესტისა და კომპანიის" გენერალური დირექტორი იყო; 1998 წლიდან - შპს სამშენებლო-სამრეწველო კორპორაცია "ერთობის" პრეზიდენტი; ხელმძღვანელობდა თბილისის რიგი საგანმანათლებლო, ჯანდაცვისა და კულტურის სფეროს ობიექტების მშენებლობას, რომელთა შორის უნდა აღინიშნიოს თბილისის რიტუალების სასახლე (აღინიშნა საქართველოს სახელმწიფო პრემიით) და სმენადაქვეითებულ ბავშვთა სკოლა-ინტერნატი (აღინიშნა სსრ კავშირის პრემიით) და სხვა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.444; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.267

• 1998 - ღირსების ორდენი
  სამშენებლო სფეროში მრავალწლიანი წარმატებული მოღვაწეობისთვის
• საპატიო ნიშნის ორდენი