ზურაბ ბერიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1981 წელს. 1983-1986წწ. სსრკ მეცნიერებათა აკადემიის აფრიკის ინსტიტუტის ასპირანტი.

1982-1983წწ. იყო საქართველოს მეცნიერებათა აკადემიის სამეცნიერო ინფორმაციის ცენტრის უმცროსი, 1986-1991წწ. საქართველოს მეცნიერებათა აკადემიის სამეცნიერო ინფორმაციის ცენტრის უფროსი მეცნიერ-თანამშრომელი; 1983- 1986წწ. სსრკ მეცნიერებათა აკადემიის აფრიკის ინსტიტუტის (მოსკოვი) ასპირანტი; 1988-1990წწ. საქართველოს ტელევიზიისა და რადიოს საერთაშორისო მიმომხილველი; 1991-1992წწ. საქართველოს საგარეო საქმეთა სამინისტროს ევროპის სამმართველოს უფროსის მოადგილე, აშშ-ს სამმართველოს უფროსი (1992), 1992-1997წწ. საერთაშორისო ორგანიზაციების დეპარტამენტის დირექტორი; 1997-2000წწ. გაეროში საქართველოს წარმომადგენლობის უფროსი მრჩეველი; 2000-2004წწ. საქართველოს საგარეო საქმეთა სამინისტროს მეორე ევროპული დეპარტამენტის დირექტორი, სუამის ეროვნული კოორდინატორი. 2004-2008წწ.  საქართველოს საგანგებო და სრულუფლებიანი ელჩი რუმინეთისა და მოლდოვას რესპუბლიკაში; 2009-2011წწ. საქართველოს საგარეო საქმეთა სამინისტროს საგანგებო დავალებათა ელჩი; 2014-2018წწ. საგანგებო და სრულუფლებიანი ელჩი ბულგარეთის რესპუბლიკაში; 2018-2021წწ. მინისტრის სამდივნოს უფროსი საქართველოს საგარეო საქმეთა სამინისტროში. 2021-2022წწ. საგანგებო და სრულუფლებიანი ელჩი პოლონეთის რესპუბლიკაში. 2022 წლიდან არის საგანგებო და სრულუფლებიანი ელჩი საქართველოს საელჩო ნორვეგიის სამეფოში; არის 20 სამეცნიერო ნაშრომისა და სტატიების ავტორი. ისტორიის მეცნიერებათა დოქტორი (1988). მინიჭებული აქვს საგანგებო და სრულუფლებიანი ელჩის დიპლომატიური რანგი.

საკანდიდატო დისერტაციის თემა -  "დასავლეთ აფრიკის ქვეყნების საგარეო პოლიტიკა 1957-1987 წლებში", დაიცვა 1988 წელს. 

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.73; espersona.ge; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.43; საქართველოს საელჩო ნორვეგიის სამეფოში: norway.mfa.gov.ge

• 2018 - ბულგარეთის "მადარის ცხენოსნის" პირველი ხარისხის ოქროს ორდენი