ანზორ ნადირაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-მშენებლის კვალიფიკაციით 1958 წელს.

1958 წელს მუშაობა დაიწყო ტრესტ "საქჰიდროენერგომშენში" ოსტატად; 1959-1970წწ. მუშაობდა თბილისის ენერგეტიკის და ჰიდროტექნიკურ ნაგებობათა სამეცნიერო-კვლევით ინსტიტუტში; იქვე სწავლობდა ასპირანტურაში; ინსტიტუტში მუშაობის პერიოდში იყო ბეტონისა და საშენი მასალების ლაბორატორიის გამგის მოადგილე; მნიშვნელოვანი წვლილი აქვს შეტანილი "ენგურჰესის" მაღლივი თაღოვანი კაშხლის ბეტონის შედგენილობის დადგენაში; მონაწილეობდა ბეტონის საკვლევი სტენდის შექმნაში; 1970 წლიდან მოღვაწეობდა საქართველოს პოლიტექნიკურ ინსტიტუტში დოცენტის თანამდებობაზე; 1985 წლიდან სათავეში ჩაუდგა საშენი მასალებისა და ნაგებობების კათედრას; არის 15 საკანდიდატო და 20 სამაგისტრო ნაშრომის მეცნიერ-ხელმძღვანელი; გამოაქვეყნა 142 სამეცნიერო ნაშრომი, მათ შორის 20 სახელმძღვანელო, მონოგრაფია, მეთოდური მითითებები, მიღებული აქვს 10 საავტორო მოწმობა და ლიცენზია; დაწერილი აქვს პრაქტიკაში სუპერპლასტიფიკატორების გამოყენების ტექნოლოგია, ბეტონის დენადობის გაზრდისა და ცემენტის ეკონომიისთვის, დანამატებიანი ცემენტები და სხვა; მონაწილეობდა საერთაშორისო კონკურსებში: დიდი ბრიტანეთი, ჰოლანდია, ბულგარეთი, თურქეთი, რუსეთი, უკრაინა; მონაწილეობდა ბაგრატის ტაძრის აღდგენით სამუშაოებში; მიღებული აქვს საპატიო სიგელები და დიპლომები; საქართველოს პატრიარქის მიერ დაჯილდოებულ იქნა "საპატიო სიგელით" სამების ტაძრის მშენებლობაში აქტიური მონაწილეობისათვის; სახელმძღვანელოსთვის "საშენი მასალები და ნაკეთობები" მიენიჭა საქართველოს განათლების სამინისტროს ლაურეატის წოდება; არის ტექნიკური ჟურნალების "საშენი მასალები და ნაკეთობები", "მშენებლობა და ენერგია" სარედაქციო კოლეგიის წევრი; დაიცვა დისერტაცია ტექნიკურ მეცნიერებათა კანდიდატის ხარისხის მოსაპოვებლად (1965).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.447; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.19

• საქართველოს მეცნიერებისა და ტექნიკის დარგში სახელმწიფო პრემიების კომისია , საექსპერტო ჯგუფის წევრი
• საქართველოს საინჟინრო აკადემია, ნამდვილი წევრი

• 2000 - ღირსების ორდენი

• საშენი მასალები და ნაკეთობები (ავტორი). - თბილისი, ტექნიკური უნ-ტის გამ-ბა, 2014. - 392გვ.
• პროცესები და აპარატები საშენი მასალების ტექნოლოგიაში : მეთოდ. მითითებები პრაქტ. სამუშ. შესასრულებლად (თანაავტორი). - თბილისი, ტექნიკური უნ-ტის გამ-ბა, 2009. - 30გვ.
• ბეტონისა და რკინაბეტონის სპეციალიზებული საწარმოების დაპროექტება : სახელმძღვანელო სტუდენტებისათვის (თანაავტორი). - თბილისი, ტექნ. უნ-ტი, 2009. - 268გვ.
• ბეტონის შემვსებების ტექნოლოგია : სახელმძღვ. პოლიტექნ. ინ-ტის სამშ. ფაკ-ტის სტუდენტებისათვის (ავტორი). - თბილისი, განათლება, 1988. - 314გვ.
• საშენი მასალები და ნაკეთობები : სახელმძღვ. პოლიტექნ. ინ-ტის არქიტექტურის ფაკ-ტის სტუდენტებისათვის (ავტორი). - თბილისი, განათლება, 1984. - 327გვ.
• ასაწყობი რკინაბეტონის ქარხნების მექანიკური აღჭურვილობა : სახელმძღვ. პოლიტექნ. ინ-ტის სამშენებლო ნაკეთობისა და კონსტრუქციების სპეციალობის სტუდენტებისათვი (ავტორი). - თბილისი, განათლება, 1976. - 314გვ.