თამაზ ნარსია

დაბადების ადგილი: ქ. ლანჩხუთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს.

პროფესიული საქმიანობა დაიწყო საპროექტო ინსტიტუტ "საქგიპროშახტში"; 1965 წლიდან მუშაობდა საქართველოს მშენებლობის სამინისტროს სისტემაში სხვადასხვა თანამდებობებზე; იყო მექანიზაციის სპეციალიზებული და მიწისქვეშა სამუშაოთა ტრესტების მმართველი, სამშენებლო გაერთიანება "თბილქალაქმშენში" ხელმძრვანელ თანამდებობაზე; 1983 წლიდან იყო საქართველოს მშენებლობის სამინისტროს საშენ მასალათა ტრესტის მმართველი, ხოლო ტრესტის სააქციო საზოგადოებად გარდაქმნის შემდეგ მისი გენერალური დირექტორი; სს "მშენებლის" (გაერთიანება "თბილქალაქმშენის" სამართალმემკვიდრე) გენერალური დირექტორია.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.451