| Login |
 |
 |
 English  Georgian |
| HomeCategories |
|
Search The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it. The dictionary is supported by the National Library of Georgia. The project aims at publishing the biographies of outstanding Georgians. We hope that whole Georgia will be involved in filling this unique dictionary. |
ომარ ნაფეტვარიძე
Biographyდაბადების ადგილი: ქ. თბილისი. დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1967 წელს. 1966 წელს დაიწყო შრომითი საქმიანობა საპროექტო ინსტიტუტ "საქქალაქმშენსახპროექტში"; მუშაობდა თბილისის "დინამოს" სტადიონის რეკონსტრუქციის პროექტზე; 1966-1970წწ. ამ ინსტიტუტში მუშაობდა უფროს არქიტექტორად, ჯგუფის ხელმძღვანელად; 1970-1979წწ. მუშაობდა საკავშირო საპროექტო ინსტიტუტ "გიპროტორგში" ჯგუფის ხელმძღვანელად, სახელოსნოს ხელმძღვანელად; 1980-1981წწ. იყო ძეგლთა დაცვის მთავარი სამმართველოს ადაპტაციისა და რესტავრაციის სამმართველოს მთავარი ინჟინერი; 1981-1983წწ. არქიტექტორთა კავშირის საპროექტო ორგანიზაცია "საქქალაქპროექტის" დირექტორი იყო; 1984-1989წწ. საქართველოს ვაჭრობის სამინისტროს საპროექტო-ტექნოლოგიური ბიუროს დირექტორი; 1990-1995წწ. მუშაობდა სამშენებლო გაერთიანება "თბილქალაქმშენის" საპროექტო ორგანიზაციის დირექტორად; 1995-2006წწ. საპროექტო ინსტიტუტ "თბილქალაქპროექტის" შემოქმედებით გაერთიანებაში პროექტის მთავარი არქიტექტორის თანამდებობაზე; 2006-2012წწ. მუშაობდა საინვესტიციო კომპანიების "ევორდისა" და "კაპიტალვოსტოკის" მთავარ არქიტექტორად; 2012 წელს თბილისში, მახათას მთაზე "ივერიის ყოვლადწმინდა ღვთისმშობლის ხატის" სახელობის ტაძრისა და სამონასტრო კომპლექსების პროექტირებასთან დაკავშირებით, მან, როგორც ავტორმა, დააფუძნა საპროექტო ორგანიზაცია შპს "უტა 2012"; მისი დირექტორია და მთავარი არქიტექტორი; მისი ავტორობით შექმნილია მრავალი პროექტი; 2012 წელს მისი პროექტი მრავალფუნქციური საცხოვრებელი სახლი შევჩენკოს ქუჩაზე ("Rustaveli Residence") დაჯილდოებულია ქ. ლონდონში გამართულ 24-ე საერთაშორისო კონგრესზე ოქროს კატეგორიის პრიზითა და სერტიფიკატით; 2013 წელს ხარისხის კვლევის ევროპული საზოგადოების (ESQR) მიერ ვენაში დაჯილდოვდა ოქროს კატეგორიის პრიზითა და სერტიფიკატით; 2014 წელს პარიზში გამართულ საერთაშორისო კონგრესზე განმეორებით დაჯილდოვდა პლატინის კატეგორიის პრიზით და სერტიფიკატით. 2015 წელს მიენიჭა "არქიტექტურის რაინდის" წოდება. წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.452-453 Member of Organizations
Awards and Honors
|
Suggest a Biography| Biographical Dictionary. version 1.2.2.R1 Copyright © 2010-2012 by David A. Mchedlishvili |