ავთანდილ ნიკოლაიშვილი

დაბადების ადგილი: ქ. თბილისი.

დაამთავრა ამიერკავკასიის სამიმოსვლო გზების ინჟინერთა ინსტიტუტის სამოქალაქო და სამრეწველო მშენებლობის ფაკულტეტი 1953 წელს. 1953-1970წწ. მუშაობდა საქართველოს მშენებლობის სამინისტროს N14 სამშენებლო ტრესტის სისტემაში სამუშაოთა მწარმოებლად, უფროს სამუშაოთა მწარმოებლად; 1970-1980წწ. იმავე სამინისტროს N18 სამშენებლო ტრესტის N4 სამშენებლო სამმართველოს უფროსად; 1980-1986წწ. საქართველოს ჯანდაცვის სამინისტროს სამშენებლო ტრესტის გურჯაანის სამშენებლო სამმართველოს უფროსად; 1986 წლიდან ამავე ტრესტის საწარმოო კომბინატის დირექტორი იყო; მონაწილეობდა ჭადრაკის სასახლის, საქართველოს კპ ცენტრალური კომიტეტის გამომცემლობის, სახელმწიფო ფილარმონიის მშენებლობაში; მისი ხელმძრვანელობით აშენდა თბილისის ონკოლოგიური ცენტრი (400 ადგილზე), საქართველოში პირველად დანერგილი, მოცულობითი ბლოკების გამოყენებით, გურჯაანის საავადმყოფო (350 ადგილზე), სკოლები და საცხოვრებელი სახლები; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.458-459