დიმიტრი ოდიშარია

დაბადების ადეგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1962 წელს.

1963-1964წწ. მუშაობდა საპროექტო ინსტიტუტ "საქგიპროშახტში" არქიტექტორად; 1964 წლიდან თბილისის ზონალურ ს/კ, ტიპური და ექსპერიმენტული პროექტირების ინსტიტუტში ("თბილზნიიეპი") არქიტექტორად, პროექტის მთავარ არქიტექტორად, სახელოსნოს ხელმძღვანელად; იყო მრავალი ექსპერიმენტული და ინდივიდუალური პროექტის ავტორი და თანაავტორი; მათ შორის: ექიმთა დახელოვნების ს/კ ინსტიტუტის (თბილისში), ორდარბაზიანი დრამატული თეატრის (ქ. მახაჩყალაში), სამხარეო მუზეუმის (ქ. მაიკოპში), 2000-ადგილიანი პანსიონატის (ქ. ნებუგში, ტუაფსეს რაიონი), უნივერმაღის (ქ. კასპიისკში), 506-ადგილიანი (ქ. ნოვოროსიისკში), 818 და 824-ადგილიანი სასტუმროების (ქ. თბილისში, ვ. ბაგრატიონის ქუჩაზე, თემქის დასახლებაში), ქ. ქუთაისის ცენტრის რეკონსტრუქციის საკონკურსო პროექტის (აღინიშნა პრემიით) და სხვა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.465

• საქართველოს არქიტექტორთა კავშირი, წევრი
• სსრკ არქიტექტორთა კავშირი, წევრი