სიმონ ოდიშარია

დაბადების ადგილი: სოფელი ნოსირი, სენაკის რაიონი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის პოლიტექნიკური ფაკულტეტი 1931 წელს.

მუშაობდა შინაგან საქმეთა სამინისტროს გზათა სამმართველოში სამუშაოთა მწარმოებლად, სამმართველოს უფროსად; 1931-1941წწ. მუშაობდა ამიერკავკასიის ტრანსპორტის ინჟინერთა ინსტიტუტის გზებისა და ხიდების კათედრაზე დოცენტის თანამდებობაზე; 1941-1945წწ. საქართველოს შინაგან საქმეთა სამინისტროს განსაკუთრებულ მშენებლობათა სამმართველოს უფროსად; 1945-1951წწ. ქუთაისის საავტომობილო ქარხნის მშენებლობის უფროსად; 1951 წელს დაინიშნა საქართველოს წყალთა მეურნეობის სამინისტროს საპროექტო ინსტიტუტ "საქწყალპროექტის" დირექტორად; ხელმძღვანელობდა "ზუგდიდი-მესტიის", "მაიაკოვსკი-საირმეს", "ლანჩხუთი-ქობულეთის", "სურამი-ძირულას" საავტომობილო გზების, ქობულეთის სამხედრო აეროდრომის, "სოხუმი-თებერდის" (ქლუხორის უღელტეხილზე) სტრატეგიული, "გაგრა-განთიადის" (გაგრის ზონაში) და "ადლერი-ხოსტის" საავტომობილო გზების მშენებლობას; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.466;  ქუთაისის საავტომობილო ქარხნის მატიანე / ლიანა იობიძე. -თბ., 2007. - გვ.24-26