ირაკლი პირმისაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი არქიტექტურის სპეციალობით 1967 წელს.

1964 წელს იყო საპროექტო ინსტიტუტ "კურორტპროექტის" არქიტექტორი; 1972 წელს თბილისის სახელმწიფო სამხატვრო აკადემიის ექსპერიმენტული პროექტირების ბიუროს უფროსი არქიტექტორი, პროექტის მთავარი არქიტექტორი; 1985 წლიდან თბილისის სამხატვრო აკადემიაში ეწეოდა პედაგოგიურ მოღვაწეობას, იყო არქიტექტურის ფაკულტეტის უფროსი მასწავლებელი, 1996 წლიდან დოცენტი, 2001 წლიდან პროფესორი; დოქტორის აკადემიური ხარისხი (2014); მისი ნამუშევრებია: საყოფაცხოვრებო მომსახურების კომბინატი (ქ. ბათუმში, 1967), ინდკერვის ფაბრიკა (ქ. სოხუმში, 1968), "კამაზის" გენერალური დირექციის შენობა (ქ. ნაბერეჟნი ჩელნიში, 1972, თანაავტორები: თ. აბაშიძე, რ. ამაშუკელი, თ. ხოშტარია, ვ. ცინცაძე), "ტორპედოს" სტადიონის რეკონსტრუქცია (ქ. ქუთაისში, 1982, თანაავტორები: ბ. გოლუბჩიკოვი, რ. ამაშუკელი), არქიტექტურის სამმართველოს კორპუსი (ქ. ქუთაისში, 1984, თანაავტორები: ბ. გოლუბჩიკოვი, რ. ამაშუკელი), სავაჭრო-საოფისე კომპლექსი (ქ. ტიუმენში, 2003, პროექტი გამარჯვებულია საინვესტიციო ტენდერში, თანაავტორი ბ. გოლუბჩიკოვი), სასტუმრო-გასართობი კომპლექსი (ქ. ტიუმენში, 2004, პროექტი გამარჯვებულია საინვესტიციო ტენდერში); 1998 წელს მიიღო საქართველოს პრეზიდენტის მადლობის სიგელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.480-481

• 2016 - საქართველოს დამსახურებული არქიტექტორი
• 2002 - ღირსების მედალი