შოთა ჟვანია

დაბადების ადგილი: ქ. ოჩამჩირე, აფხაზეთის ასსრ.

დაამთავრა ქ. ხარკოვის საინჟინრო-სამშენებლო ინსტიტუტი, სამრეწველო და სამოქალაქო მშენებლობის სპეციალობით 1959 წელს.

ინსტიტუტის დამთავრების შემდეგ წლების განმავლობაში მუშაობდა სხვადასხვა სამშენებლო ორგანიზაციებში მშენებელ-ოსტატად, სამუშაოთა მწარმოებლად, უფროს სამუშაოთა მწარმოებლად; 1970 წელს დაინიშნა საქართველოს მშენებლობის სამინისტროს N6 სამშენებლო ტრესტის N3 სამშენებლო სამმართველოს მთავარ ინჟინრად; 1972 წელს კი იმავე სამშენებლო სამმართველოს უფროსად; 1989 წელს დაინიშნა სამშენებლო ტრესტ "საქკურორტმშენის" ქ. სოხუმის სამშენებლო -სარემონტო სამმართველოს უფროსად, სადაც მუშაობდა 1984 წლამდე; 1984 წელს გადაიყვანეს საქართველოს მშენებლობის სამინისტროს N6 სამშენებლო ტრესტის მმართველის მოადგილედ ეკონომიკურ საკითხებში; 1988-1989წწ. მუშაობდა სამშენებლო ტრესტ "აფხაზმშენის" N3 სპეციალიზებული სამშენებლო სამმართველოს უფროსად; 1990-1998წწ. მუშაობდა სამშენებლო გაერთიანება "მოსაგროპრომმშენის" ვიცე-პრეზიდენტად; მიღებული აქვს სახელმწიფო ჯილდოები და უწყებრივი სიგელები; დაიცვა დისერტაცია ეკონომიკურ მეცნიერებათა დოქტორის სამეცნიერო ხარისხის მოსაპოვებლად (1991).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.483