
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ვიქტორ ბროსე

Date of birth:	26 May, 1893
Date of death:	1937 (at 43 years)
Category:	Bibliographer, Translator, Explorer

Biography

დაბადების ადგილი: ქ. სანქტ-პეტერბურგი, რუსეთი.

დაამთავრა პეტერბურგის კლასიკური გიმნაზია 1911 წელს და პეტერბურგის უნივერსიტეტის ისტორია-ფილოლოგიის ფაკულტეტი 1916 წელს.

უნივერსიტეტში მისი მასწავლებელი იყო გამოჩენილი ქართველოლოგი, პროფესორი ალექსანდრე ცაგარელი. 1916 წლიდან ცხოვრობდა და მოღვაწეობდა საქართველოში. 1916-1923 წლებში ეწეოდა პედაგოგიურ მოღვაწეობას ქუთაისისა და თბილისის გიმნაზიებში. ზედმიწევნით ფლობდა ქართულ ენას. 1923-1933 წლებში იყო საქართველოს საჯარო ბიბლიოთეკის (ამჟამად საქართველოს პარლამენტის ეროვნული ბიბლიოთეკა ) იშვიათი წიგნების განყოფილების (რარიტეტსაცავის) გამგე, 1933-1937 წლებში საქართველოს სახელმწიფო წიგნის პალატის დირექტორის მოადგილე. პარალელურად მოღვაწეობდა საქართველოს სახელმწიფო მუზეუმში (ამჟამად საქართველოს ეროვნული მუზეუმი). 1925-1937 წლებში ლექციებს კითხულობდა საქართველოს განათლების სახალხო კომისარიატის (სამინისტროს) მუდმივმოქმედ საბიბლიოთეკო კურსებზე. ვიქტორ ბროსე იყო საქართველოს სახელმწიფო წიგნის პალატის (1924) და პირველი ქართული საბიბლიოთეკო და ბიბლიოგრაფიული ჟურნალის "წიგნის მეგობარი" (1925) ერთ-ერთი დამაარსებელი. მას ეკუთვნის რამდენიმე ათეული მნიშვნელოვანი ნაშრომი ბიბლიოგრაფიის, ბიბლიოთეკათმცოდნეობის და არქივთმცოდნეობის საკითხებზე, რომლებიც გამოქვეყნებულია იმჟამინდელ პერიოდულ გამოცემებში. იგი იყო წიგნის "ბიბლიოთეკონომიის, ბიბლიოგრაფიისა და პოლიგრაფიული წარმოების ტერმინოლოგია" (1923) თანაავტორი. ეწეოდა მთარგმნელობით მოღვაწეობას. ქართულად თარგმნა ფრანგი და რუსი ავტორების მხატვრულ ნაწარმოებები. ფრანგულად თარგმნა ივანე ჯავახიშვილის "ქართველი ერის ისტორია" (ინახება ხელნაწერთა ეროვნული ცენტრის ივანე ჯავახიშვილის კაბინეტში). ეწეოდა საზოგადოებრივ და პოლიტიკურ მოღვაწეობასაც. იყო საქართველოს საისტორიო და ეთნოგრაფიული საზოგადოების ნამდვილი წევრი და აქტიურად მონაწილეობდა მის მუშაობაში. მონაწილეობდა საქართველოს ეროვნულ-განმათავისუფლებელ მოძრაობაში. იგი დახვრიტეს 1937 წელს თბილისში, საქართველოს სსრ შინაგან საქმეთა სახალხო კომისარიატის ("შინსახკომი") ე. წ. "დიდი სამეული"-ს დადგენილებით. რეაბილიტირებულ იქნა 1956 წელს.

წყარო: ვიქტორ ბროსე (მოგონება).- გაზ. "კალმასობა".-თბ.,1998 N 5 (18)

Member of Organizations

მემარჯვენე ფედერალისტთა ორგანიზაცია (1921-1924)
საქართველოს საისტორიო და ეთნოგრაფიული საზოგადოება, ნამდვილი წევრი
საქართველოს სოციალ-ფედერალისტთა პარტია, წევრი (1917-)