თამაზ ჟორდანია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1953 წელს.

1957-1981წწ. მუშაობდა საქართველოს ჰიდროტექნიკისა და მელიორაციის სამეცნიერო კვლევით ინსტიტუტსა და 1981-1987წწ. საქართველოს მშენებლობის სამინისტროს სისტემაში; სამეცნიერო-კვლევით ინსტიტუტში მუშაობის პერიოდში მონაწილეობდა სსრკ-აშშ-ს ერთობლივ კვლევებში თემაზე "პლასტმასების გამოყენება ჰიდროტექნიკურ მშენებლობაში"; ხელმძღვანელობდა თემას "პოლიმერების გამოყენება გრუნტების გასამაგრებლად"; არის საქართველოს ტექნიკური უნივერსიტეტის სამშენებლო წარმოების ტექნოლოგიის კათედრის გამგე; დისერტაციების დაცვის სპეციალიზებული საბჭოს თავმჯდომარე; იყო საქართველოს ურბანიზაციისა და მშენებლობის სამინისტროსთან არსებული სახელმწიფო ლიცენზირების ცენტრის დირექტორის მოადგილე; მისი ხელმძღვანელობით დაცულია 4 საკანდიდატო დისერტაცია; გამოქვეყნებული აქვს 70-ზე მეტი სამეცნიერო ნაშრომი და 7 გამოგონება; ტექნიკის მეცნიერებათა დოქტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.485; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.341

• საქართველოს საინჟინრო აკადემია, ნამდვილი წევრი

• 1999 - ღირსების ორდენი
  სტუდენტი ახალგაზრდობის განათლებაში, მათი სპეციალისტებად ჩამოყალიბებაში შეტანილი პირადი დიდი წვლილის, ნაყოფიერი სამეცნიერო, პედაგოგიური და საზოგადოებრივი მოღვაწეობისათვის

• შრომის უსაფრთხოება მშენებლობაში : სახელმძღვ. სამშენებლო ფაკ. სტუდ. (თანაავტორი). - თბილისი, ტექნ. უნ-ტი, 2006. - 80გვ.
• ლიცენზირება მშენებლობაში : დამხმ. სახელმძღვ. სტუდ. (ავტორი). - თბილისი, ტექნიკური უნ-ტი, 2005. - 53გვ.
• სამშენებლო წარმოების ტექნოლოგია : ამოცანათა კრებული სანიმუშო ამოცანების ამოხსნით (რედაქტორი) // ნაწ. 1.. - თბილისი, ტექნიკური უნ-ტის გამ-ბა, 1997. - 82 გვ.
• სამშენებლო წარმოების ტექნოლოგია : ამოცანათა კრებული სანიმუშო ამოცანების ამოხსნით (რედაქტორი) // ნაწ. 2. - თბილისი, ტექნიკური უნ-ტის გამ-ბა, 1997. - 90 გვ.
• სამშენებლო წარმოების ტექნოლოგია : დამხმ. სახელმძღვ. (თანაავტორი). - თბილისი, ტექნიკური უნ-ტის გამ-ბა, 1991. - 120გვ.