რევაზ რაზმაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს.

1960-1965წწ. მუშაობდა საქართველოს მშენებლობის სამინისტროს N3 სამშენებლო ტრესტ "თბილმრეწვმშენის" N2 სამშენებლო სამმართველოში, "თბილელექტროავტომატისა" და სატელეფონო აპარატურის ქარხნების მშენებლობაზე სამუშაოთა მწარმოებლად, უბნის უფროსად; 1965-1968წწ. იყო საქართველოს საშენ მასალათა სამინისტროს სამშენებლო-სარემონტო სამმართველოს მთავარი ინჟინერი; 1968-1972წწ. გაერთიანება "საქარამადნეულის" გენერალური დირექტორი; 1972-1975წწ. საქართველოს საშენ მასალათა მრეწველობის სამინისტროს მშენებარე ობიექტების დირექციის დირექტორი; 1976-1997წწ. მუშაობდა საქართველოს მინისტრთა საბჭოსთან არსებული კაპიტალური მშენებლობის მთავარი სამმართველოს "საქკაპმშენის" ჯანდაცვის მშენებარე ობიექტების სამმართლოს უფროსად; იყო მსოფლიო ბანკის ჯანდაცვის ობიექტების მშენებლობის განმახორციელებელი ცენტრის კონსულტანტი და კოორდინატორი; 2008 წლიდან მუშაობდა "გლობალური ფონდის" პროექტის კონსულტანტად; მონაწილეობდა 130-ზე მეტი ჯანდაცვის სფეროს მნიშვნელოვანი ობიექტის, მათ შორის, 46 საავადმყოფოს დაპროექტებაში, მშენებლობაში, დაკომპლექტებასა და საექსპლუატაციოდ გადაცემაში. მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.488

• საქართველოს დამსახურებული ინჟინერი