რაგული რაზმაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი, საავტომობილო გზების მშენებლობის სპეციალობით 1969 წელს.

1970-1974წწ. მუშაობდა საპროექტო ინსტიტუტ "სოიუზდორპროექტში" უფროს ინჟინერ-გეოდეზისტად; 1975-1985წწ. იყო საპროექტო ინსტიტუტ "საქსახგზაპროექტის" საკვლევაძიებო პარტიის უფროსი და პროექტის მთავარი ინჟინერი; 1986-1988წწ. მუშაობდა საპროექტო ინსტიტუტ "ვოლოგდაგზამშენში" (რუსეთის ფედერაცია) მთავარ ინჟინრად; 1989-1995წწ. კვლავ საპროექტო ინსტიტუტ "საქსახგზაპროექტში" მუშაობდა განყოფილების უფროსად; 1996-1997წწ. საპროექტო ინსტიტუტ "საქსახავტოგზაპროექტის" დირექტორის მოადგილე იყო ეკონომიკის დარგში; 1998-2001წწ. მუშაობდა საპროექტო სამშენებლო ფირმა შპს "მაგისტრალის" დირექტორად; 2002-2004წწ. "ქუვეით-საქართველოს" ერთობლივი საწარმოს ტექნიკურ დირექტორად; 2004-2005წწ. მუშაობდა შპს "საქართველოს გზების" სამშენებლო კომპანიის ტექნიკურ დირექტორად; 2006-2008წწ. იყო კომპანია "პან არაბ კონსალტინგ ინჟინერის" (ქუვეითი), საზედამხედველო საკონსულტაციო კომპანიის რეზიდენტ ინჟინრის მოადგილე და ხარისხის მართვის ინჟინერი; 2002 წლიდან საპროექტო, საზედამხედველო და საკონსულტაციო კომპანია შპს "პროექტმშენკომპანის" დამფუძნებელი და გენერალური დირექტორია; ასევე არის სააქციო საზოგადოება "აკკორდ იშაატ სანაიეს" პროექტის ხელმძღვანელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.488