ნიკოლოზ სანდუნოვი

სწავლობდა უნივერსიტეტის გიმნაზიაში 1779-1784წწ.; დაამთავრა მოსკოვის უნივერსიტეტი 1787 წელს.

1787-1791წწ. უნივერსიტეტის გიმნაზიაში სინტაქსს ასწავლიდა; 1791 წელს  დაინიშნა მოსკოვის უნივერსიტეტის კურატორის მდივნად; 1797 წლის თებერვალში დაიწყო მუშაობდა კანონების შემდგენელი კომისიის კანცელარიაში, შემდეგ გადავიდა მოსკოვში სენატის მე-6 დეპარტამენტში ობერ-მდივნად; 1811 წლის თებერვალში მიატოვა სახელმწიფო სამსახური და მოსკოვის უნივერსიტეტში დაიკავა პროფესორის თანამდებობა სამოქალაქო და სისხლის სამართლის სამართალწარმოების კათედრაზე. 1815-1816, 1819-1820 და 1820-1821 სასწავლო წლებში იყო მოსკოვის უნივერსიტეტის ზნეობისა და პოლიტიკური მეცნიერებების განყოფილების დეკანი; 1829 წელს, რექტორის არყოფნის დროს, ასრულებდა უნივერსიტეტის პრორექტორის მოვალეობას; გამოსცა სახელმძღვანელო ძველი სამართალწარმოების ისტორიაზე: "Правая грамота по вотчинному делу в 1559 годе производившемуся". იყო დრამატული ხელოვნების დიდი მოყვარული: წერდა პიესებს და თარგმნიდა ლექსებს; თარგმნა შილერის "ყაჩაღები" (1793), "ოჯახის მამა" (1794 და 1816) და სხვ. იყო "რუსეთის სიტყვიერების მოყვარულთა საზოგადოების" და "რუსეთის ისტორიისა და სიძველეების საზოგადოების" წევრი. ზანდუკელების გვარის წარმომადგენელი. რუსეთს შეხიზნული ვახტანგ VI-ის ამალის წევრის, ნიკოლოზ ზანდუკელის ვაჟი. ზანდუკელების გვარის წარმომადგენელი. რუსეთს შეხიზნული ვახტანგ VI-ის ამალის წევრის, ნიკოლოზ ზანდუკელის ვაჟი, მსახიობ სილოვან სანდუნოვის ძმა.

წყარო: ქართული გენი უცხოტომელთა სამსახურში : 100 რჩეული ბიოგრაფია : მონოგრაფია / ზურაბ ქუთათელაძე.-თბ.,2011.-გვ.150