კორნელი რამიშვილი

დაბადების ადგილი: სოფელი დიდვანი, ჩოხატაურის რაიონი.

დაამთავრა საქართველოს სახელმწიფო უნივერსიტეტის პოლიტექნიკური ფაკულტეტი 1931 წელს.

1932-1937წწ. მუშაობდა ჩელუსკინელების სახელობის (ამჟამად თამარ მეფის) ხიდის მდ. მტკვარზე; 1938-1945წწ. "ზაჰესის" შემოვლითი და "ბორჯომი-ახალციხე-ვალეს" სარკინიგზო ხაზების, "გორი-სტალინირის" რკინიგზის მშენებლობაზე; 1945-1957წწ. იყო სამშენებლო ტრესტ "საქსოფლმშენის" ტრესტის მმართველი; 1957-1971წწ. სამშენებლო გაერთიანება "მთავართბილმშენისა" და 1971-1976წწ. "თბილქალაქმშენის" მმართველის მოადგილე; 1976-1987წწ. საქართველოს მინისტრთა საბჭოს კაპიტალური მშენებლობის მთავარი სამმართველოს კომპლექტაციისა და სპეცმასალების განყოფილების უფროსი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.490

• შრომის წითელი დროშის ორდენი
• საქართველოს დამსახურებული ინჟინერი