ნუგზარ რურუა

დაბადების ადგილი: ქ. სოხუმი.

დაამთავრა საქართველოს პოლიტექნიკური ინსტიტუტი მიმოსვლის გზათა მშენებლობის სპეციალობით 1979 წელს; საქართველოს ტექნიკური უნივერსიტეტის ასპირანტურა 1992 წელს.

1979-1988წწ. მუშაობდა თბილისის მეტროპოლიტენის სალიანდაგო და გვირაბნაგებობათა სამსახურში, ჯერ უფროს ინჟინრად, ხოლო შემდეგ სალიანდაგო დისტანციის უფროსად და სალიანდაგო და გვირაბნაგებობათა სამსახურის უფროსის მოადგილედ; 1982 წლიდან ეწეოდა პედაგოგიურ მოღვაწეობას; 2002-2006წწ. იყო საქართველოს ტექნიკური უნივერსიტეტის რკინიგზების მშენებლობის კათედრის გამგის მოადგილე; 2006-2007წწ. მუშაობდა საქართველოს ტრანსპორტის მარეგულირებელი ეროვნული კომისიის რკინიგზის დეპარტამენტის მთავარ სპეციალისტად; 2008-2009წწ. შპს "ტექნოკომპარკის" აღმასრულებელ დირექტორად; 2009-2012წწ. ტექნიკური უნივერსიტეტის ხიდებისა და გვირაბების მიმართულების ხელმძღვანელი იყო; 2011-2013წწ. შპს "საქართველოს რკინიგზის" სატვირთო გადაზიდვების ფილიალის დირექტორის თანაშემწე უსაფრთხოების საკითხებში; 2006-2009წწ. იყო საქართველოს ტექნიკური უნივერსიტეტის ასოცირებული პროფესორი; 2009-2013წწ. სრული პროფესორი; 2006-2007წწ. მისი პროექტით და ზედამხედველობით განხორციელდა თბილისის ფუნიკულიორის სალიანდაგო ნაწილის რეაბილიტაცია; 2004 წლიდან ეწევა რკინიგზის სალიანდაგო ნაწილის საექსპერტო საქმიანობას; არის 80 სამეცნიერო ნაშრომისა და 15 სახელმძღვანელოს ავტორი; ტექნიკის მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.493

• ლიანდაგის მონიტორინგის სისტემები : სახელმძღვანელო (ავტორი). - თბილისი, ტექნიკური უნ-ტი, 2014. - 281გვ.
• ლიანდაგის ტექნიკური გაზომვები და შეფასება : სახელმძღვანელო (ავტორი). - თბილისი, ტექნიკური უნ-ტი, 2013. - 180გვ.
• რკინიგზის ლიანდაგი (თანაავტორი) // ნაწ.4 ლიანდაგის ზედა ნაშენის გაანგარიშებები. - თბილისი, ტექნიკური უნ-ტი, 2009. - 156გვ.
• რკინიგზის ლიანდაგი (თანაავტორი) // ნაწ.2 სარელსო ლიანდაგის მოწყობა. - თბილისი, ტექნიკური უნ-ტი, 2009. - 77გვ.
• რკინიგზის ლიანდაგი (თანაავტორი) // ნაწ.1 ლიანდაგის ზედა ნაშენის კონსტრუქცია. - თბილისი, ტექნიკური უნ-ტი, 2009. - 115გვ.
• ლიანდაგის კაპიტალური შეკეთების სამუშაოთა ორგანიზაცია : დამხმარე სახელმძღვანელო (თანაავტორი). - თბილისი, ტექნ. უნ-ტი, 2002. - 70გვ.