ანზორ საკანდელიძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

მუშაობდა საქართველოს პოლიტექნიკურ ინსტიტუტში (ამჟამად ტექნიკური უნივერსიტეტი), საშენი მასალებისა და ნაკეთობების კათედრის დოცენტად; იყო საქართველოს მშენებლობის სამინისტროს ტრესტ "საქმშენინდუსტრიის" N1 რკინაბეტონის ნაკეთობების ქარხნის მთავარი ტექნოლოგი, ფონიჭალის საშენი მასალების კომბინატისა და ლილოს რკინაბეტონის ნაკეთობების ქარხნის დირექტორი; მისი თაოსნობით ლილოს ქარხანასთან აშენდა სუპერპლასტიფიკატორების საამქრო, რომელმაც პირველად, ყოფილ სსრ კავშირში, გამოუშვა ბეტონების უნიკალური ქიმიური დანამატი; საფუძველი ჩაუყარა საქართველოში 500 და უფრო მაღალი სიმტკიცის ბეტონების, აგრეთვე, "კმ-30", "სპკს-1", "სპკს-2" და "მსპ-20" მარკების სუპერპლასტიფიკატორების თეორიულ კვლევებსა და წარმოებაში დანერგვას; არის 8 გამოგონების ავტორი, გამოქვეყნებული აქვს 50-ზე მეტი სამეცნიერო ნაშრომი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა - თავისუფალი საქართველო", საარჩევნო ფორმა: მაჟორიტარული, მაჟორიტარი ქუთაისის №73 საარჩევნო ოლქი; ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი). კალათბურთელი, ტექნიკის მეცნიერებათა კანდიდატი.       

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.496; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ.302

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს მშენებლობის ქვეკომისია, თავმჯდომარე (1990-1991)

• საქართველოს სპორტის დამსახურებული ოსტატი

• ბეტონისა და რკინაბეტონის ნაკეთობათა წარმოების ტექნოლოგია : მეთოდ. მითითებები ლაბორატორიულ პრაქტიკაში (შემდგენელი). - თბილისი, საქართველოს პოლიტექნიკური ინსტიტუტის გამ-ბა და სტ., 1980. - 44გვ.