ტრისტან სამუშია

დაბადების ადგილი: ქ. გალი.

დაამთავრა თბილისის სამხატვრო აკადემიის არქიტექტურის ფაკულტეტი 1975 წელს.

1975-1979წწ. მუშაობდა საპროექტო ინსტიტუტ "საქქალაქმშენსახპროექტში" რაიონული დაგეგმარების განყოფილების არქიტექტორად; 1979-1981წწ. საპროექტო-ტექნოლოგიურ ინსტიტუტ "ორგენერგომშენში" - ჯგუფის ხელმძღვანელად; 1981-1986წწ. თბილისის საძიებო-საპროექტო ინსტიტუტ "ჰიდროპროექტში" ; 1988-1990წწ. იყო გეგეჭკორის (მარტვილი) სახალხო დეპუტატთა რაისაბჭოს აღმასკომის მთავარი არქიტექტორი; 1990-1992წწ. ხელმძღვანელობდა გალის რაისაბჭოს აღმასკომთან არსებულ საპროექტო=სამშენებლო კოოპერატივს; 1994 წლიდან მის მიერ შექმნილი საპროექტო-სამშენებლო ფირმა "სფინქსის" დირექტორია; პროფესიული საქმიანობის სხვადასხვა ეტაპზე აქტიურად მონაწილეობდა გალის რაიონის დაგეგმარებაში, გეგეჭკორის რაიონის საცხოვრებელი და კულტურულ-საყოფაცხოვრებო ობიექტების, დაბა ჯვარზენის სპოერული კომპლექსისა (არქიტექტორ დარეჯან ფიცხელაურთან ერთად) და "ენგურჰესის' კომპლექსის დაპროექტებაში; მისი პროექტები განხორციელებულია როგორც საქართველოში, ისე მის ფარგლებს გარეთ; არის არაერთი არქიტექტურული კონკურსის მონაწილე, მრავალი რაციონალიზატორული წინადადების ავტორი და მათი დანგრევის მონაწილე; აქტიურად არის ჩართული "სამეცნიერო-ტექნიკური პროგრესის, არქიტექტურულ-სამშენებლო, ინტელექტუალურ-საპატენტო, "ეკოლოგიური და ეკონომიკური ტერმონების განმარტებითი ლექსიკონის" რედკოლეგიის საქმიანობაში.

საქართველოს არქიტექტორთა და მშენებელთა ენციკლოპედია. - თბ., 2017.-გვ.500

• საქართველოს არქიტექტორთა კავშირი, წევრი
• საქართველოს ეროვნულ და სოციალურ ურთიერთობათა აკადემია, აკადემიკოსი