მიხეილ სანთელაძე

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტი არქიტექტურის სპეციალობით 1940 წელს.

მუშაობდა თბილისის საქალაქო საბჭოს აღმასკომის "რემმშენკანტორის" ინჟინრად; არის II მსოფლიო ომის მონაწილე; 1941-1945წწ. მსახურობდა წითელი არმიის რიგებში, ლენინგრადის ფრონტზე ხელმძღვანელობდა საინჟინრო სამსახურს; 1946 წლიდან მუშაობდა საპროექტო ინსტიტუტ "თბილქალაქპროექტის" პროექტის მთავარ არქიტექტორად; 1952-1954წწ. იყო შავი ზღვის ფლოტის უფროსი ოფიცერი ქ. სევასტოპოლში; 1954 წლიდან ისევ "თბილქალაქპროექტის" მთავარი არქიტექტორია; მისი ძირითადი ნამუშევრებია: საქართველოს საგეგმო კომიტეტის საცხოვრებელი სახლი მლეთისა და კობის ქუჩების გადაკვეთაზე, დახურული საცურაო აუზი ვაკეში, ორდარბაზიანი კინოთეატრი "საქართველო" ავჭალის გზატკეცილზე, ჩოგბურთის დახურული კორტები მარჯანიშვილის ქუჩაზე, 108-ბინიანი საცხოვრებელი სახლი ოქტომბრის ქუჩაზე და სხვა; იყო 50 რეალიზებული პროექტის ავტორი; მიღებული ჰქონდა სახელმწიფო ჯილდოები სამამულო ომში მონაწილეობისათვის.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.501

• ომის ვეტერანი
• შრომის ვეტერანი
• საქართველოს დამსახურებული არქიტექტორი