თამაზ სარალიძე

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტის სამშენებლ ფაკულტეტი ჰიდროტექნიკურ ნაგებობათა მშენებლობის სპეციალობით 1963 წელს.

1963--1966წწ. მუშაობდა ყაზახეთში, ქ. ჯეზყაზგანში, სამშენებლო-სამონტაჟო ტრესტ "ყაზჰიდროსპეცმშენის" სამშენებლო სამმართველოში გრავიტაციული და მიწის კაშხლების, სხვადასხვა ჰიდროტექნიკური ობიექტების რეკონსტრუქცია-მშენებლობებზე; 1966-1973წწ. საქართველოში დაბრუნების შემდეგ მუშაობდა საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენის" N2 სამშენებლო ტექნიკური განყოფილებისა და უბნის უფროსად, მთავარი ინჟინრის მოადგილედ; 1973-1976წწ. მივლინებული იყო ავღანეთში ქიმიური ქარხნისა და თბოელექტროსადგურის მშენებლობაზე, ერთ-ერთი სამშენებლო კომპლექსის ხელმძღვანელად; 1976-1977წწ. მუშაობდა რუსთავის სახლსაშენი კომბინატის მთავარ ინჟინრად; 1977-1992წწ. იყო საქართველოს მინისტრთა საბჭოს უფროსი რეფერენტი, წამყვანი სპეციალისტი, სახელმწიფო მრჩეველი, კურირებდა ენერგეტიკული და სატრანსპორტო დანიშნულების ობიექტების მშენებლობას; 1992 წელს დაინიშნა საქართველოს ენერგეტიკისა და ელექტრიფიკაციის მთავარი საწარმოო სამმართველოს "საქმთავარენერგოს" უფროსის მოადგილედ მშენებლობის დარგში; ხელმძღვანელობდა საცხოვრებელი სახლების, სკოლების, საბავშვო ბაღების, მაღალი ძაბვის ელექტროგადამცემი ხაზებისა და ქვესადგურების შენებლობას; არის წარმოებაში დანერგილი მრავალი რაციონალიზატორული წინადადების ავტორი; დაჯილდოებულია სსრ კავშირის საელჩოსსიგელები (ავღანეთი). მიღებული აქვს საქართველოს უმაღლესი საბჭოს პრეზიდიუმის საპატიო სიგელი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.502-503

• საქართველოს ეროვნულ და სოციალურ ურთიერთობათა აკადემია, ნამდვილი წევრი

• საპატიო ნიშნის ორდენი