იური კობალაძე

დაბადების ადგილი: ქ. თბილისი.

დაამთავრა მოსკოვის საერთაშორისო ურთიერთობების ინსტიტუტი 1972 წელს.

მუშაობდა სსრკ სახელმწიფო უშიშროების კომიტეტის პირველ მთავარ სამმართველოში. 1977-1984 წლებში მუშაობდა სახელმწიფო ტელერადიოში და დიდ ბრიტანეთში კორესპონდენტად. 1984-1991 წლებში მსახურობდა საგარეო დაზვერვის პირველ მთავარ სამმართველოში. 1991-1999 წლებში მუშაობდა ამავე სამსახურის მასმედიასთან და საზოგადოებასთან ურთიერთობების ბიუროს ხელმძღვანელად. 1999 წლიდან იყო "ИТАР-ТАСС"-ის გენერალური დირექტორის პირველი მოადგილე. ფლობს ინგლისურ და ფრანგულ ენებს. 2006 წლიდან გადაცემების "Эхо Москвы"-ს და "В круге света"-ს თანაწმყვანია. 2007–2010წწ. კომპანია X5 Retail Group-ის აღმასრულებელი დირექტორი კორპორაციულ საკითხებში; 2010–2012წწ. ამავე კომპანიის გამგეობის თავმჯდომარის მრჩეველი; 2012 წლიდან შვეიცარიის საინვესტიციო ბანკ UBS-ის კონსულტანტი.  საგარეო დაზვერვის სამსახურის გადამდგარი გენერალია. დაჯილდოებულია წითელი ვარსკვლავის ორდენით და მედლებით. მოსკოვის საერთაშორისო ურთიერთობების ინსტიტუტის და საერთაშორისო ჟურნალისტიკის კათედრის პროფესორი. გენერალ-მაიორი (1995).

წყარო: სამხედრო ფიცის ერთგულნი: ქართველი გენერლები.-თბ., 2015.-გვ.174; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 94

• წითელი ვარსკვლავის ორდენი