ელდარ მდინარაძე

დაამთავრა სოხუმის სუბტროპიკული ინსტიტუტის ტექნოლოგიური ფაკულტეტი ინჟინერ-ტექნოლოგის სპეციალობით 1973 წელს და შოთა რუსთაველის სახელობის თეატრალური ინსტიტუტის კინოფაკულტეტი (ს. ჩხაიძის და რ. ხოტივარის სახელოსნო) 1982 წელს.

სხვადასხვა სტუდიებში თავისივე სცენარით გადაიღო  დოკუმენტური ფილმები: "ჩვენი შემოღობილი", "რეპორტაჟი სნოდან" (ნოველა სერიალიდან "სამამულო რქა", ნ. ყიფიანთან ერთად), "თემის მარცვალი", "საიდუმლო" (მიტროფანე ლაღიძეზე, 1987), "იორამი" (1988). ეწევა საპროდიუსერო საქმიანობას. მუშაობდა ტელეკომპანია "მე-9 არხზე". იყო ტელეკომპანია "მზის" გენერალური დირექტორი (2003-2005წწ.), პროდიუსერი 70-მდე სატელევიზიო ფილმისა, ანიმაციური ფილმისა "გავარდნილები" (დ. სიხარულიძე, 2008). მიღებული აქვს კინო ფესტივალი "ამირანის" პრიზი ფილმისთვის "ჩემი შემოღობილი" (1980), დებიუტების პირველი საკავშირო კინოფესტივალის პრიზი - საუკეთესო დოკუმენტური ფილმისთვის (1986). კინორეჟისორი, პროდიუსერი.

 წყარო: ქართული კონო, 1896-2011.- თბ., 2011.- გვ.132; google.ge