იური სვანიძე

დაბადების ადგილი: ქ. ქუთაისი.

დაამთავრა ლენინგრადის (სანკტ-პეტერბურგის) სამშენებლო-საინჟინრო ინსტიტუტის სამრეწველო და სამოქალაქო მშენებლობის ფაკულტეტი 1988 წელს.

1988 წლიდან მუშაობდა ლენინგრადის ჩრდილო-დასავლეთის მშენებლობის მთავარი სამმართველოს ტრესტ "ფოლადკონსტრუქციების" ქ. პეტროზავოდსკის სამშენებლო-სამონტაჟო სამმართველოში უბნის უფროსად; 1989-1990წწ. ქ. ბელამორსკში თევზის ქარხნის მშენებლობაზე, გერმანულ ფირმასთან ერთად, ქ. ნადვოიცაში სპორტულ-გამაჯანსაღებელი კომპლექსის მშენებლობის უფროსად უნგრულ სამშენებლო ფირმასთან ერთად; 1992-1997წწ. საქართველოში დაბრუნების შემდეგ მუშაობდა საქართველოს მინისტრთა საბჭოსთან არსებული სამონტაჟო და სპეციალური სამუშაოების მთავარ სამმართველო "საქმთავარმონტაჟსპეცმშენის" თბილისის "ფოლადკონსტრუქციის" სამშენებლო-სამონტაჟო სამმართველოს ტექნიკურ-ეკონომიკური განყოფილების უფროსად, სს "თბილფოლადკონსტრუქციის" გენერალური დირექტორის მოადგილედ, სამეთვალყურეო საბჭოს თავმჯდომარის მოადგილედ; 1997 წელს იყო საქართველოს ეკონომიკური ფორუმის მშენებლობის კომისიის თავმჯდომარე; 2001-2003წწ. საქართველოს ურბანიზაციისა და მშენებლობის სამინისტროს სსიპ "მშენებლის"დირექტორის მოადგილე; 2003-2009წწ. სსიპ "საწარმოთა მართვის სააგენტოს" სამშენებლო ინდუსტრიის განყოფილების უფროსი, დარგობრივი ეკონომიკის ჯგუფის მთავარი სპეციალისტი, ამავე ჯგუფის უფროსი; 2011 წელს მუშაობდა შპს "საქართველოს პარლამენტის ავტობაზის" გენერალური დირექტორის მოადგილედ; არის ქ. ქაიროში (ეგვიპტე) ხიდების, გვირაბებისა და შენობა-ნაგებობების მშენებლობაში მონაწილეობისათვის მიღებული აქვს სერტიფიკატი. მშენებლობის ინჟინერიის დოქტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.508-509; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.62

• ამერიკის მშენებელ ინჟინერთა საზოგადოების (ASCE), სრული წევრი
• ევროპის მშენებელ ინჟინერთა საბჭო (ECCE), 2016–2018 წლების ბორდის წარმომადგენელი ყოფილი საბჭოთა ქვეყნებში
• მსოფლიოს მშენებელ ინჟინერთა საბჭოს (WCCE) ბორდი , ბორდის წარმომადგებნელი აზიის კონტინენტზე
• მსოფლიოს ფედერაცია ინჟინერთა ორგანიზაციების (WFEO) ინოვაციებისა და ტექნოლოგიების კომიტეტი, WCCE ბორდის წარმომადგენელი
• საქართველოს მეცნიერებათა ეროვნული აკადემიის ინოვაციებისა და ტექნოლოგიების ცენტრი, წევრი
• საქართველოს პარლამენტის დარგობრივი ეკონომიკისა და ეკონომიკური პოლიტიკისა და რეგიონული პოლიტიკისა და თვითმართველობის კომიტეტების სამეცნიერო საკონსულტაციო საბჭო, საბჭოს წევრი
• საქართველოს საინჟინრო აკადემია, წევრ–კორესპოდენტი
• საქართველოს სამოქალაქო ინჟინერთა საზოგადოება (GSCE), პრეზიდენტი

• 2001 - ღირსების მედალი