ივანე მაჭავარიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი, კვალიფიკაციით წარმოების ეკონომიკა და მართვა 1996 წელს; 1997 წელს - "საერთაშორისო საბუღალტრო სტანდარტების" სპეციალური ინტენსიური კურსი; 2009 წელს წარმატებით დაასრულა სასწავლო პროგრამა ფინანსების სხვსდასხვა სფეროში; გაიარა ტელეკომუნიკაციებთან დაკავშირებული არაერთი ტრენინგი.

1997 წლის იანვრიდან 2000 წლის ივლისამდე იყო შპს "ჯეოსელის" ფინანსური განყოფილების სპეციალისტი; 2000 წლის ივლისიდან 2000 წლის დეკემბრამდე იყო შპს "ჯეოსელის" ფინანსური განყოფილების უფროსი სპეციალისტი; 2001 წლის იანვრიდან 2006 წლის ივნისამდე - შპს "ჯეოსელის" ფინანსური დაგეგმარებისა და საერთაშორისო ანგარიშების დეპარტამენტის მენეჯერი; 2006 წლის ივნისიდან 2013 წლის მაისამდე - შპს "ჯეოსელის" ფინანსური დირექტორი; 2010-2011 წლებში იყო TeliaSonera's Eurasian ოპერაციებისთვის მობილური ადაპტაციის სტრატეგიის შემუშავების გუნდის წევრი (ყაზახეთი, აზერბაიჯანი, საქართველო, უზბეკეთი, ტაჯიკეთი, ნეპალი და მოლდოვა). 2012-2015 წლებში მონაწილეობას იღებდა სხვადასხვა საკონსულტაციო კომპანიასთან კომერციულ და ტექნოლოგიურ კვლევებში (McKinsey,Accenture, Informa Telecoms, Delta Partners); 2013 წლის მაისიდან 2018 წლის მაისამდე - შპს "ჯეოსელის" კომერციული დირექტორი; 2018 წლის 12 ივლისს დაინიშნა საქართველოს ფინანსთა მინისტრად; 2021 წლის 31 მარტს საკუთარი განცხადების საფუძველზე დატოვა საქართველოს ფინანსთა მინისტრისა და ვიცე-პრემიერის თანამდებობა.

წყარო: საქართველოს მთავრობის ვებგვერდი: web.archive.org