გურამ სოსელია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

1963-1966წწ. მუშაობდა საპროექტო ინსტიტუტ "თბილჰიდრიპროექტში" სპეცპროექტირების განყოფილების უფროს ინჟინრად; 1966 წლიდან საქართველოს პოლიტექნიკური ინსტიტუტის (შემდგომში ტექნიკური უნივერსიტეტის) წყალმომარაგებისა და წყალარინების კათედრის მეცნიერ-თანამშრომელი იყო; გაიარა სამეცნიერო-პედაგოგიური ზრდის ყველა საფეხური ასისტენტიდან სრულ პროფესორამდე; 1983-1986წწ. მუშაობდა პნომპენის (კამბოჯა) უმაღლეს ტექნიკურ ინსტიტუტში ჰიდრომელიორაციისა და ჰიდროტექნიკის ფაკულტეტის დეკანად და წყალმომარაგების კათედრის გამგედ; 1986 წლიდან, პროფესიული საქმიანობის პარალელურად, ხელმძღვანელობდა საქართველოს პოლიტექნიკური ინსტიტუტის წყალმომარაგების კათედრის სამეცნიერო-დარგობრივი ლაბორატორიის სამრეწველო წყალმომარაგების განყოფილებას; 1990 წელს დააარსა შპს "საქალაქო მეურნეობის ინფრასტრუქტურის ტექნიკური ინსტიტუტი" (დაპროექტება-მშენებლობის უფლებით); 1998-2000წწ. ხელმძღვანელობდა თბილისის წყალმომარაგებისა და საკანალიზაციო სისტემების სარეაბილიტაციო პროექტის ექსპერიმენტულ სტუდიას მსოფლიო ბანკის ეგიდით; 2000-2001წწ. სს "საქწყალპროექტის" კონსულტანტის რანგში, უშუალოდ იყო ჩართული რუსთავის, გორისა და ფოთის წყალმომარაგების სისტემების სარეაბილიტაციო-სარეკონსტრუქციო და თბილისის ზღვის მიმდებარე ტერიტორიის საკანალიზაციო პროექტების შემუშავებაში; 1999-2004წწ. იყო თბილისის სტაბილური იზოტოპების ზესუფთა ტექნოლოგიების ინსტიტუტის კონსულტანტი; 2004 წლიდან იყო შპს "ჯორჯიან უოთერ ენდ პაუერის" საპროექტო დეპარტამენტის ხელმძღვანელი; 2011 წლიდან საქართველოს წყალმომარაგების გაერთიანებული კომპანიის მთავარი სპეციალისტია; 2011-2012წწ. იყო USAID-ის ექსპერტი საქართველოს ქალაქებისა და დასახლებული ადგილების წყალმომარაგება-წყალარინების საკითხებში; არის 90-ზე მეტი სამეცნიერო ნაშრომისა და გამოგონების ავტორი; კომბოჯის საგანმანათლებლო სფეროში აქტიური მუშაობისათვის დაჯილდოებულია უმაღლესი სახელმწიფო ჯილდოთი; ტექნიკის მეცნიერებათა დოქტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.516

• საქართველოს მეცნიერებათა ეროვნული და საინჟინრო აკადემია, აკადემიკოსი

• მეთოდური მითითებები ლაბორატორიული სამუშაოების შესასრულებლად წყალმომარაგებაში (შემდგენელი). - თბილისი, 1987. - 50გვ.