ნოდარ სოტკილავა

დაბადების ადგილი: ქ. ზუგდიდი.

დაამთავრა მოსკოვის საინჟინრო-სამშენებლო ინსტიტუტის ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1962 წელს.

ინსტიტუტის დამთავრების შემდეგ მუშაობა დაიწყო (განაწილებით) ქ. მოსკოვის სამოქალაქო მშენებლობის N2 სამშენებლო ტრესტის N19 სამშენებლო-სამონტაჟო სამმართველოში მშენებელ ოსტატად; 1964 წლიდან მუშაობდა ოსტანკინოს ტელეცენტრის კომპლექსის მშენებლობაზე, შემდეგ მოსკოვის N2 სამედიცინო და საერთაშორისო ურთიერთობების ინსტიტუტების სასწავლო კორპუსების და პოლონეთის საელჩოს შენობების მშენებლობაზე; 1977 წლიდან გადაიყვანეს N29 სამშენებლო ტრესტ "მოსსტროის" N206 სამშენებლო სამმართველოს უფროსად; მონაწილეობდა და ხელმძღვანელობდა ლუჟნიკების სპორტული კომპლექსის რეკონსტრუქციის და რიგი ოლიმპიური ობიექტების (1980) მშენებლობას; 1982 წელს დაინიშნა საბჭოთა კავშირის საშუალო მანქანათმშენებლობის სამინისტროს ზუგდიდის ხელსაწყოთა ქარხანა "ვექტორის" დირექტორად; ცხოვრობს აშშ-ში და ეწევა სამშენებლო საქმიანობას ერთ-ერთ სამშენებლო კომპანიაში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.517

• საქართველოს დამსახურებული ინჟინერი