გიორგი სტეფნაძე

დაბადების ადგილი: სოფელი, რველი, ბორჯომის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1949 წელს.

1949-1990წწ. მუშაობდა საპროექტო ინსტიტუტ "სოიუზდორპროექტში" საძიებო ჯგუფისა და პარტიის ხელმძღვანელად, ექსპედიციის უფროსად, პროექტის მთავარ ინჟინრად; 1969-1971წწ. მივლინებული იყო კუბის რესპუბლიკაში საბჭოთა სპეციალისტთა ჯგუფის ხელმძღვანელად; 1972-1976წწ. საგზაო განყოფილების მთავარ სპეციალისტად; 1976-1978წწ. ავღანეთში, საპროექტო ჯგუფის ხელმძღვანელად; 1978 წელს საგზაო განყოფილების უფროსად; 1978-1990წწ. მუშაობდა საპროექტო ინსტიტუტ "თბილსახავტოგზაპროექტის" დირექტორის მოადგილედ; იყო საქართველოში, უზბეკეთში, ყირგიზეთში, აზერბაიჯანში, ავღანეთში, იემენსა და კუბის რესპუბლიკებში განხორციელებული არაერთი რთული საგზაო-სამშენებლო პროექტის ავტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.518

• შრომის წითელი დროშის ორდენი