ვახტანგ ჯობაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1940 წელს.

მეორე მსოფლიო ომის დროს ტყვედ ჩავარდა და გერმანიაში დარჩა. სწავლობდა გიოტინგენისა და ფრაიბურგის უნივერსიტეტებში. 1950 წლიდან ცხოვრობდა ამერიკის შეერთებულ შტატებში და მუშაობდა იუტისა და კალიფორნიის უნივერსიტეტებში. ლოს-ანჯელესში, კალიფორნიის შტატის უნივერსიტეტში, განაგებდა ხელოვნების ისტორიის დეპარტამენტს. ვახტანგ ჯობაძე იყო ერთადერთი იმდროინდელი ქართველი მკვლევარი, რომელსაც, ექვთიმე თაყაიშვილის შემდეგ, საშუალება ჰქონდა ემოგზაურა და შეესწავლა ტაო-კლარჯეთისა და ანტიოქიის ძეგლები. ავტორია მრავალი მონოგრაფიისა ქართული არქიტექტურის შესახებ, რომლებიც იბეჭდებოდა ქართულ და უცხოურ ენებზე. მასვე ეკუთვნის კვიპროსზე ღალიის ქართული მონასტრის ნანგრევების აღმოჩენა (1981). შეისწავლა ანტიოქიაში ქართველ მონაზონთა ცხოვრება, აგრეთვე შავ მთაზე ძელიცხოვლის მონასტერი. ვახტანგ ჯობაძე გარდაიცვალა ქ. კარლსბადში (აშშ, ნიუ-მექსიკოს შტატი), დაკრძალულია თბილისში. ხელოვნების ისტორიკოსი, კალიფორნიის შტატის უნივერსიტეტის პროფესორი, მედიევისტი, ივანე ჯავახიშვილის სახელობის თბილისის სახელმწიფო უნივერსიტეტის საპატიო დოქტორი.

წყარო: ქართველი ემიგრანტები: emigrantebi.weebly.com; საქართველოს ძეგლები: dzeglebi.ge 

• საქართველოს მეცნიერებათა აკადემია, აკადემიკოსი (1996-2007)
• საქართველოს საისტორიო საზოგადოება, საპატიო წევრი

• ჩემი თავგადასავალი (ავტორი). - თბილისი, შპს "სი-ჯი-ეს", 2009. - 195 გვ. + 6 ჩართ. ფ. ფოტ.
• ადრეული შუა საუკუნეების ქართული მონასტრები ისტორიულ ტაოში, კლარჯეთსა და შავშეთში = Early Medieval Georgian Monasteries in Historic Tao, Klajet'i, and Savset'i (ავტორი). - თბილისი, უნივერსალი, 2007. - 277გვ.
• ოშკის ტაძარი : ორი წერილი ოშკის ტაძარზე (ავტორი). - თბილისი, მეცნიერება, 1991. - 67გვ.