ვიტალი სულამანიძე

დაბადების ადგილი: სოფელი ზედა სიმონეთი, თერჯოლის რაიონი.

დაამთავრა თბილისის მანქანათმშენებლობის ტექნიკუმი, ელექტრომანქანების სპეციალობით 1961 წელს; საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1968 წელს.

ტექნიკუმის დამთავრების შემდეგ მუშაობა დაიწყო საპროექტო ინსტიტუტ "საქჰიპროშახტში", უმცროსი ინჟინრის თანამდებობაზე, საბაგირო გზების განყოფილებაში; 1962 წლიდან მუშაობდა გაერთიანება "სოფელექტროს" საპროექტო ინსტიტუტის ელექტროგანყოფილების მშენებელი ინჟინრის თანამდებობაზე; 1964 წლიდან მუშაობდა საპროექტო ინსტიტუტ "საქენერგოპროექტის" ჰიდროტექნიკურ განყოფილებაში ინჟინრის თანამდებობაზე; 1965 წელს გადაყვანილ იქნა "საქენერგოს" ჰიდროტექნიკურ სამსახურში უფროსი ინჟინრის თანამდებობაზე; 1969 წლიდან მუშაობდა "საქენერგოს" სამშენებლო-სარემონტო სამმართველოში კახეთის რეგიონის სამუშაოთა მწარმოებლად; 1971 წელს დაინიშნა "საქმთავარენერგოს" სამშენებლო-სარემონტო ტრესტის გურჯაანის სამმართველოს მთავარ ინჟინრად; 1976 წელს - "საქმთავარენერგოს" სამშენებლო-სარემონტო ტრესტის სამგორის სამმართველოს უფროსის თანამდებობაზე; 1971-1989წწ. მისი ხელმძღვანელობით განხორციელდა სამშენებლო-სარემონტო სამუშაოები, "თბილსრესისა" და "ელქსელების" ობიექტებზე, აშენდა ცხრასართულიანი საცხოვრებელი სახლები ქ. თბილსში (ვაშლიჯვარის, ვარკეთილის, ნავთლუღის ქ/ს-ის ტერიტორია), ხუთსართულიანი სახლები და საწარმოო ბაზები ქ. თელავში, ქ. გურჯაანში, ქ. წითელწყაროში, ქ. მარნეულსა და ქ. გარდაბანში; რკინაბეტონის ქარხანა სოფ. ვაზიანში; 1989 წლიდან ხელმძღვანელობდა "საქმთავარენერგოს" მცირე ჰესების სამშენებლო-სამონტაჟო სამმართველოს; 1996 წლიდან მუშაობდა ამ სამმართველოს ბაზაზე ჩამოყალიბებული სს "ჰიდრორემმშენის" დირექტორის თანამდებობაზე; 2003 წლიდან ხელმძღვანელობს "სამომავლო ენერგეტიკული განვითარების კოოპერაციას"; 2003-2014წწ. იყო საპროექტო ორგანიზაცია შპს "საქენერგოპროექტის" დირექტორი; 2003-2010წწ. საქართველოს საელექტრო სისტემის რეაბილიტაციასთან დაკავშირებით მონაწილეობდა 35-220 კვ ძაბვის ელექტროგადამცემი ხაზებისა და ქვესადგურების მშენებლობა/რეკონსტრუქციის სამუშაოებში; მონაწილეობდა "დედაენის" ძეგლისა და გენერალ პეტრე ბაგრატიონის ძეგლის სამშენებლო-სამონტაჟო სამუშაოების შესრულებაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.518-519; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.235

• 1999 - ღირსების ორდენი
  ეროვნული მეურნეობის უმნიშვნელოვანესი დარგის - ენერგეტიკის განვითარებასა და ურთულეს პირობებში მის ფუნქციონირებაში შეტანილი პირადი დიდი წვლილისა და დარგის მართვის პროცესთა სრულყოფაში დიდი წარმატებული შრომითი საქმიანობისა და დამსახურებისათვის