იოსებ სუმბაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი სამრეწველო და სამოქალაქო მშენებლობის სპეციალობით 1965 წელს; ქ. მოსკოვის არქიტექტურის ინსტიტუტის საკვალიფიკაციო კურსები (ქალაქგეგმარების განხრით).

1965-1967წწ. მუშაობდა მოლდავეთის სსრ-ში სამშენებლო უბნის უფროსად; 1967-1985წწ. საქართველოს მშენებლობის სამინისტროს სამშენებლო ტრესტ "ბიჭვინთმშენის" (შემდეგ "კურორტმშენის") N2 სამშენებლო სამმართველოში უბნის უფროსად, მთავარ ინჟინრად და სამმართველოს უფროსად; 1985-1992წწ. იყო ქ. გაგრის მთავარი არქიტექტორი; 1995-2009წწ. მუშაობდა სს "N13 ტრესტის" მთავარ ინჟინრად; მნიშვნელოვანი წვლილი აქვს შეტანილი ქალაქ გაგრის კომპლექსური განაშენიანების საქმეში, სამოქალაქო, კულტურულ-საგანმანათლებლო, ჯანდაცვისა და სხვა საზოგადოებრივი დანიშნულების ობიექტების და დაბა ბიჭვინთის მსხვილი საკურორტო კომპლექსების მშენებლობაში; აქტიურად იყო ჩართული და მონაწილეობდა მაღლივი (16 და 18-სართულიანი) საცხოვრებელი და საზოგადოებრივი დანიშნულების შენობების სეისმომედეგი, უნიფიცირებული, ანაკრები რკინაბეტონის კარკასული ნაკეთობების (სერია იის-04) ათვისებისა და დანერგვის საქმეში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.520