ნაზი ტურაბელიძე

დაბადების ადგილი: ქ. ქუთაისი.

დაამთავრა კიევის პოლიტექნიკური ინსტიტუტის ფერადი მეტალურგიის ფაკულტეტი.

სამუშაოდ გაანაწილეს ლენინგრადის ოლქის, ვოლხოვის კომბინატის ცემენტის ქარხნის საცდელი საამქროს ოსტატად, შემდეგ მუშაობდა ლაბორატორიის უფროსის მოადგილედ; 1956 წელს დაბრუნდა საქართველოში და მუშაობა დაიწყო ქ. რუსთავის ცემენტის ქარხანაში, ლაბორატორიის უფროსად; მისი მუშაობის პერიოდში რუსთავის ცემენტის ქარხანაში დაინერგა მაღალმარკიანი და სწრაფად გამყარებადი ცემენტის წარმოების ტექნოლოგია; 1971-1975წწ. მივლინებით იმყოფებოდა საზღვარგარეთ, ალჟირის რესპუბლიკაში, სადაც მუშაობდა ცემენტის ქარხნის მთავარ ტექნოლოგად; 1975 წელს დაინიშნა საქართველოს საშენ მასალათა მრეწველობის სამინისტროს გამოთვლითი ცენტრის დირექტორის მოადგილედ; იმავე წელს გადაყვანილ იქნა საქართველოს მინისტრთა საბჭოს სამშენებლო განყოფილების უფროს რეფერენტად; 1996 წელს გადაყვანილი იქნა საქართველოს საშენ მასალათა მრეწველობის სამინისტროში საწარმოო განყოფილების უფროსად; 1998 წლიდან მუშაობდა საქართველოს მშენებლობის სამინისტროში კონსულტანტად.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.528-529

• ღირსების ორდენი
  "ენგურჰესის" თაღოვანი კაშხლისა და ჰიდროელექტროსადგურის კასკადის მშენებლობაში შეტანილი წვლილისათვის