ემზარ ტურძელაძე

დაბადების ადგილი: ქ. ფოთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს; მოგვიანებით თბილისის ჰიდროტექნიკურ ნაგებობათა და ენერგეტიკის ს/კ ინსტიტუტის ასპირანტურა.

1960-1961წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" N9 სამშენებნლო სამმართველოში ოსტატად; 1961-1967წწ. თბილისის ჰიდროტექნიკურ ნაგებობათა და ენერგეტიკის ს/კ ინსტიტუტში - ინჟინრად, უფროს ინჟინრად, უმცროს მეცნიერ-თანამშრომლად; 1967-1983წწ. იყო საქართველოს კპ თბილისის კალინინის რაიკომისა და თბილისის საქალაქო კომიტეტის ინსტრუქტორი, თბილისის საქალაქო საბჭოს აღმასკომის კომუნალური გაერთიანების უფროსი; 1983-1984წწ. საქართველოს საბინაო-კომუნალური მეურნეობის მინისტრის მოადგილე; საქართველოს მინისტრთა საბჭოს საქმეთა მმართველობის საქალაქო მეურნეობის განყოფილების გამგის მოადგილე; 1984-1986წწ. მუშაობდა თბილისის კალინინის რაისაბჭოს აღმასკომის თავმჯდომარედ; 1986-1993წწ. თბილისის საქალაქო საბჭოს აღმასკომის თავმჯდომარის მოადგილედ, ქ. თბილისის მერის მოადგილედ; 1993-1995წწ. თბილისის საქარხნო რაიონის გამგეობის თავმჯდომარედ; იყო საქართველოს მინისტრთა საბჭოს მშენებლობისა და საქალაქო მეურნეობის წამყვანი სპეციალისტი, ურბანიზაციისა და მშენებლობის სამინისტროს კომუნალური მეურნეობის დეპარტამენტის თავმჯდომარე; 2000-2004წწ. მუშაობდა საქართველოს ურბანიზაციისა და მშენებლობის მინისტრის მოადგილედ; არის ჰიდროტექნიკურ მშენებლობასა და ჰიდრავლიკის სფეროში გამოქვეყნებული 5 სამეცნიერო ნაშრომის ავტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.530; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.65 

• 1999 - ღირსების ორდენი
  თბილისის საქალაქო მეურნეობის განვითარებაში შეტანილი პირადი დიდი წვლილისა და ნაყოფიერი საზოგადოებრივი მოღვაწეობისათვის