მარიკა იზორია

საბადების ადგილი: ქ. თბილისი.

დაამთავრა აპოლონ ქუთათელაძის სახელობის თბილისის სახელმწიფო სამხატვრო აკადემიის გამოყენებითი ხელოვნების (დიზაინის) ფაკულტეტის მინა-კერამიკის კათედრა მონუმენტური კერამიკის მიმართულებით 1987 წელს.

1988-1998 წწ. მუშაობდა მოსე თოიძის სახელობის სამხატვრო ლიცეუმის ხატვის კაბინეტის გამგედ; 1998-2014 წწ. შპს "ბაზო", შპს "პალიტრა", შპს ინტერ-არქიტექტურა" - მხატვარ-დიზაინერი; 1996-1998-2013 წწ. საქართველოს გეოლოგიის, სამთო-ქიმიის და წიაღისეულის რესურსების სახელმწიფო დეპარტამენტის, არალითონური წიაღისეულის ძებნა-ძიების და კარიერული მომსახურების სამსახურის კერამიკის ექსპერტი; 1998-2013-2015 წწ. თბილისის ორმოც მოწამეთა ეკლესიის არქეოლოგიური ექსპედიციის მხატვარი; 2000-2007 წწ. გამომცემლობა "დიოგენე", საქართველოს სახელმწიფო მუზეუმი - "უპოვარ ბავშვთა დასახმარებლად გაწეული საქველმოქმედო აქციების ციკლი" - ბავშვთა სტუდიის ხელმძღვანელი; 2003 - თბილისის ისტორიის მუზეუმი "ქარვასლა", თი-ბი-სი ბანკი, გაზეთი "ახალი 7 დღე", ძამას ხეობის ქილის მონასტრის ბერთა სავანის შესაწევნი საქველმოქმედო გამოფენა-აქციის ორგანიზატორი; 2006-2011 წწ. და 2012-2014 წწ. ილიას უნივერსიტეტის სახვითი და გამოყენებითი ხელოვნების უმაღლესი პროფესიული განათლების ცენტრის კერამიკის მიმართულების სადიპლომო ნამუშევრების ხელმძღვანელი და ლექტორი. არის არაერთი საერთაშორისო სიმპოზიუმის, ვორქშოფის მონაწილე და გამარჯვებული, მათ შორის: კერამიკის საერთაშორისო სიმპოზიუმის პირველი ხარისხის დიპლომი (ქ. რიგა-ძინტარი, ლატვია, 1988), ქართველ კერამიკოსთა პირველი სიმპოზიუმის პირველი პრიზი (თბილისის ისტორიის მუზეუმი "ქარვასლა", 2000), ხელოვნების საერთაშორისო ფესტივალის პირველი ხარისხის დიპლომი და პირველი პრემია (საქ. ეროვნული გალერეა, თბილისი, 2003). მხატვარ-მონუმენტალისტი, კერამიკოსი.

• მუზეუმების საერთაშორისო ასოციაცია (ICOM), წევრი (2015-)

• თბილისის წმიდა ორმოც სებასტიელ მოწამეთა ეკლესია (Illustrator). - თბილისი, 2014. - 224გვ.. - ISBN: 978-9941-0-7053-2