რევაზ ტყემალაძე

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1954 წელს.

შრომითი საქმიანობა დაიწყო საქართველოს სოფლის მეურნეობის სამინისტროს სისტემაში სამშენებლო-სარემონტო სამმართველოს სამუშაოთა მწარმოებლად; 1956 წლიდან გადავიდა სახელმწიფო საპროექტო ინსტიტუტ "საქგიპროშახტში" მშენებლობის ორგანიზაციის განყოფილების გამგედ, სადაც მჭიდროდ იყო დაკავშირებული სამშენებლო წარმოებასთან და მათ მიერვე დამუშავებული სამშენებლო წარმოების პროგრესული მეთოდების გათვალისწინებით, წარმოებაში სიახლეების დანერგვას უზრუნველყოფდა; 1966 წელს გადაყვანილ იქნა საქართველოს სახალხო კონტროლის კომიტეტის სამშენებლო განყოფილების ინსპექტორად; 1976 წელს დაინიშნა საქართველოს მინისტრთა საბჭოს კაპმშენებლობის განყოფილებაში უფროს რეფერენტად; იყო მინისტრთა საბჭოსთან შექმნილი საგანგებო სიტუაციების განყოფილების უფროსი, საგანგებო სიტუაციების მუდმივმოქმედი სამთავრობო კომისიის პასუხისმგებელი მდივანი და შტაბის უფროსი; იყო საქართველოს პარლამენტის უცხოეთში მცხოვრებ თანამემამულეთა კომიტეტის მთავარი სპეციალისტი; მუშაობდა დარგობრივი ეკონომიკისა და ეკონომიკური პოლიტიკის კომიტეტში მთავარ სპეციალისტად; იყო ამავე კომიტეტის სამეცნიერო-საკონსულტაციო საბჭოს მდივანი; მონაწილეობდა სტიქიის შედეგად დაზარალებული მოსახლეობისთვის ახალი სოფლების დაპროექტება-მშენებლობასა და აფხაზეთიდან და ცხინვალის რეგიონიდან დევნილი მოსახლეობის სოციალურ მოწყობაში; აქტიურად იყო ჩართული საქართველოს მშენებელთა ფედერაციის საქმიანობაში; იყო საქართველოს არქიტექტორთა და მშენებელთა საენციკლოპედიო ფონდის ერთ-ერთი დამფუძნებელი; გაზეთ "საქართველოს რესპუბლიკის" კორესპონდენტი; წლების განმავლობაში თავმჯდომარეობდა საქართველოს ტექნიკური უნივერსიტეტის სამშენებლო კონსტრუქციების კათედრასთან არსებულ სახელმწიფო საგამოცდო კომისიას; მიღებული აქვს სსრკ მინისტრთა საბჭოს პრემია. ტექნიკის მეცნიერებათა დოქტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.531-532

• საქარართველოს ვეტერანთა საბჭო, წევრი
• საქართველოს ჟურნალისტთა კავშირი, წევრი

• ღირსების ორდენი