ავთანდილ ტყეშელაშვილი

დაბადების ადგილი: ვანის რაიონი.

დაამთავრა საქართველოს პოლიტექნიკური ინსტიტუტის ქუთაისის ფილიალის სამშენებლო ფაკულტეტი 1966 წელს.

1954-1966წწ. მუშაობდა კიროვის სახელობის ქუთაისის სამკერვალო ფაბრიკაში, საქართველოს მშენებლობის სამინისტროს N4 სამშენებლო ტრესტის N4 სამშენებლო სამმართველოში და გზებისა და ხიდების მშენებლობის N454 სამმართველოში; 1966 წელს მუშაობა დაიწყო სამშენებლო-სამონტაჟო ტრესტ "კავკასელექტროქსელმშენის" N1 მექანიზებულ კოლონაში სამუშაოთა მწარმოებლად; 1969 წელს - უფროს სამუშაოთა მწარმოებლად; 1979 წლიდან იყო იმავე მექანიზებული კოლონის მთავარი ინჟინერი; 1994 წლიდან - კოლონის უფროსი; 2004 წლიდან მუშაობდა ტექნიკური ექსპერტიზის ბიუროს ხელმძღვანელად; მიღებული აქვს საპატიო სიგელები და სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.532

• 1984 - საქართველოს დამსახურებული ინჟინერი