კონსტანტინე ურუშაძე

დაბადების ადგილი: ქ. ლანჩხუთი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

1959-2000წწ. მუშაობდა სამშენებლო ტრესტ "საქჰიდროენერგომშენის" სამოქალაქო და ბინათმშენებლობის სამმართველოში მშენებელ ოსტატად, სამუშაოთა მწარმოებლად, უბნის უფროსად, ტექნიკური განყოფილების უფროს ინჟინრად და უფროსად, სამმართველოს მთავარი ინჟინრის მოადგილედ, მთავარ ინჟინრად; 1974-1977წწ. მივლინებული იყო ალჟირის სახალხო-დემოკრატიულ რესპუბლიკაში, ქ. მასკარაუიზერტოს საირიგაციო სისტემის კაშხლის მშენებლობაზე უფროს ინჟინრად; 2000-2005წწ. იყო კატასტროფებისგან დაცვისა და ეკოლოგიური უსაფრთხოების უზრუნველყოფის სახელმწიფო საკოორდინაციო სამსახურის თავმჯდომარის მოადგილე; პროფესიული საქმიანობის სხვადასხვა ეტაპზე მონაწილეობდა თბილისის მრავალი მნიშვნელოვანი შენობა-ნაგებობის, მათ შორის: "საქენერგოსა" და საპროექტო ინსტიტუტ "ჰიდროპროექტის" ადმინისტრაციული შენობების, კინოთეატრების, სკოლების, მრავალსართულიანი საცხოვრებელი სახლების, ჰიდროტექნიკური ნაგებობების, თბოელექტროსადგურ "თბილსრესის", ვორონცოვის სახელობის ხიდის მდ. მტკვარზე (ქ. თბილისში) და "ორთაჭალჰესის" მშენებლობა-რეკონსტრუქციაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.539