მირიან უსტიაშვილი

დაბადების ადგილი: სოფელი კახაბერი, ბათუმის რაიონი.

დაამტავრა ქ. ოდესის ინდუსტრიული ინსტიტუტის სამშენებლო ფაკულტეტი 1936 წელს.

1937-1947წწ. მუშაობდა ბათუმის საზღვაო სასწავლებელში პედაგოგად, სასწავლებლის უფროსად; 1947-1949წწ. იყო აჭარის ადგილობრივი მრეწველობის მინისტრი; 1949-1953წწ. გაერთიანება "სოფლელექტრომშენის" აჭარის სამმართველოს უფროსი; 1953-1957წწ. ბათუმის კოფეინის ქარხნის დირექტორი; 1957-1979წწ. მუშაობდა საქართველოს მშენებლობის სამინისტროს N5 და N16 სამშენებლო ტრესტების მმართველად, ამავე სამინისტროს სატრანსპორტო სამმართველოს უფროსად; მისი ხელმძღვანელობით აშენდა აფხაზეთისა და აჭარის ავტონომიურ რესპუბლიკებში მსხვილი სარეწველო და საკურორტო კომპლექსები, სამოქალაქო და საზოგადოებრივი დანიშნულების მნიშვნელოვანი ობიექტები; იყო მაღლივი მსხვილპანელოვანი ბინათმშენებლობის ათვისებისა და დანერგვის ინიციატორი და აქტიური მონაწილე აჭარასა და აფხაზეთში; დაჯილდოებული იყო სახელმწიფო ორდენებითა და მედლებით; არაერთგზის იყო არჩეული აჭარის ასსრ უმაღლესი საბჭოს, ბათუმისა და გაგრის საქალაქო საბჭოების დეპუტატად, საქართველოს კპ აჭარის საოლქო და გაგრის საქალაქო კომიტეტების წევრად.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.539-540

• შრომის წითელი დროშის ორდენი
• ოქტომბრის რევოლუციის ორდენი
• აჭარის დამსახურებული ინჟინერი
• საქართველოს დამსახურებული ინჟინერი