ბესარიონ ფანცულაია

დაბადების ადგილი: სოფელი ბირცხა, სოხუმის რაიონი.

დაამთავრა როსტოვის საინჟინრო-სამშენებლო ინსტიტუტი 1956 წელს.

1956-1965წწ. მუშაობდა საქართველოს მშენებლობის სამინისტროს N6 სამშენებლო ტრესტის ქ. სოხუმის N1 სამშენებლო სამმართველოში სამუშაოთა მწარმოებლად; 1965-1979წწ. იყო საქართველოს სამშენებლო ბანკის აფხაზეთის ასსრ ფილიალის ("აფხაზმშენბანკის") ტექნიკური განყოფილების უფროსი, ბანკის მმართველი; 1979-1984წწ. მუშაობდა აფხაზეთის ასსრ მშენებლობის საქმეთა სახელმწიფო კომიტეტის "სახმშენის" სამრეწველო განყოფილების უფროსად; 1984-1986წწ. იყო საქართველოს მშენებლობის სამინისტროს N6 სამშენებლო ტრესტის მმართველის მოადგილე; 1986-1993წწ. სოხუმის სახლმშენებელი კომბინატის უფროსი; 1993-2001წწ. აფხაზეთის ასსრ ურბანიზაციისა და მშენებლობის სამინისტროს განყოფილების გამგე; 2001 წელს დაინიშნა აფხაზეთის ასსრ ურბანიზაციისა და მშენებლობის სახელმწიფო დეპარტამენტის თავმჯდომარის მოადგილედ; არაერთგზის იყო არჩეული სოხუმის საქალაქო საბჭოს დეპუტატად.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.542