რეზო ფარულავა

დაბადების ადგილი: ქ. გორლოვკა, უკრაინა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი, სამრეწველო და სამოქალაქო მშენებლობის სპეციალობით 1963 წელს.

1963 წლიდან დაიწყო შრომითი საქმიანობა საქართველოს მშენებლობის სამინისტროს N2 სამშენებლო ტრესტის N1 სამშენებლო სამმართველოში ინჟინრად; 1968 წლიდან იყო სამშენებლო უბნის უფროსი; 1972 წელს დაინიშნა სამშენებლო სამმართველოს უფროსად; 1978 წელს ტრესტის მთავარ ინჟინრად; 1983 წლიდან მუშაობდა საქართველოს სოფლის მეურნეობის სამინისტროს N3 სამშენებლო-სარემონტო ტრესტის N8 მოძრავი მექანიზირებული კოლონის უფროსად; 1990 წელს მიიღო აქტიური მონაწილეობა, სხვა სამშენებლო ორგანიზაციებთან ერთად, რაჭასა და იმერეთში მომხდარი მიწისძვრის შემდეგ დაზიანებული სახლების აღდგენა-რეკონსტრუქციაში, ძირითადად საჩხერის რაიონში; მონაწილეობდა თბილისის "დინამოს" სტადიონის რეკონსტრუქცია-მშენებლობაში (1976); პურ-ფუნთუშეულის ერთ-ერთი უმსხვილესი ქარხნის (თბილისში), ძველი თბილისის აღდგენა-მშენებლობაში, სასტუმრო "ამბასადორის", ქარვასლის შენობის აღდგენა-რეკონსტრუქციასა და ბეთანიის სპორტული კომპლექსის მშენებლობაში და სხვა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.544