გაიოზ ფარცხალაძე

დაბადების ადგილი: ქ. ბათუმი.

დაამთავრა საქართველოს ტექნიკური უნივერსიტეტი, სამრეწველო და სამოქალაქო მშენებლობის სპეციალობით 1993 წელს.

1993 წლიდან სწავლობდა საქართველოს ტექნიკური უნივერსიტეტის ასპირანტურაში; ასპირანტურაში სწავლის პერიოდში სტუ-ში ეწეოდა სამეცნიერო-კვლევით და პედაგოგიურ მოღვაწეობას ლითონის კონსტრუქციების კათედრაზე; მონაწილეობდა კათედრის მიერ განხორციელებულ სამეცნიერო-კვლევით და საპროექტო სამუშაოებში; 2001 წელს საქართველოს ტექნიკური უნივერსიტეტის დიდი საბჭოს გადაწყვეტილებით არჩეულ იქნა დოცენტის აკადემიურ თანამდებობაზე; 2004 წელს დაინიშნა საქართველოს ტექნიკური უნივერსიტეტის ბათუმის პოლიტექნიკური ინსტიტუტის საინჟინრო-ჰუმანიტარული ფაკულტეტის დეკანის თანამდებობაზე; 2006 წელს არჩეულ იქნა ბათუმის შოთა რუსთაველის სახელობის სახელმწიფო უნივერსიტეტში პროფესორის აკადემიურ თანამდებობაზე და საინჟინრო-ტექნოლოგიური ფაკულტეტის დეკანად; 2012 წელს ტექნოლოგიური ფაკულტეტის დეკანია; არის 40-მდე სამეცნიერო ნაშრომის ავტორი, რომელიც გამოქვეყნებულია როგორც საქართველოში, ისე საზღვარგარეთ; 2009 წელს მის მიერ დაპროექტებული იქნა მრავალსართულიანი, მრავალბინიანი საცხოვრებელი სახლი ქ. ბათუმში; 2004-2008წწ. არის ამერიკის საერთაშორისო სამეცნიერო-ტექნიკური ცენტრის (ISTC) მიერ გამოცხადებულ საგრანტო თემების კონკურსში გამარჯვებულ მეცნიერთა ჯგუფის წევრი; ტემპუსის პროექტის - "ENGITEC"-ის ფარგლებში, რომელიც ეხებოდა "უმაღლესი საინჟინრო განათლების მოდერნიზაციას საქართველოში, ტექნოლოგიური გამოწვევების საპასუხოდ" იმყოფებოდა იტალიაში ტურინის პოლიტექნიკურ უნივერსიტეტში - POLITO (2013) და შვედეთში, სტოკჰოლმის სამეფო ტექნოლოგიურ უნივერსიტეტში - KTH (2014). 

საკანდიდატო დისერტაციის თემა - "ახალი ტიპის წინასწარ დაძაბული წამწის თეორიული და ექსპერიმენტული კვლევა", დაიცვა 2001 წელს.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.544-545

• საქართველოს საინჟინრო აკადემია, წევრ-კორესპონდენტი

• ნავთობისა და გაზის მაგისტრალური მილსადენების მშენებლობის ორგანიზაცია და დაგეგმვა : მეთოდ. მითითებები საკურსო, საბაკალავრო და სამაგისტრო ნაშრომების შესასრულებლად (თანაავტორი) // ნაწ.1. - ბათუმი, 2013. - 174გვ.
• სითხისა და აირის გამოყენებითი მექანიკა : სახელმძღვანელო (თანაავტორი). - ბათუმი, ბათუმის შოთა რუსთაველის სახელმწ. უნ-ტი,, 2013. - 247 გვ.
• ლითონის კონსტრუქციები : სახელმძღვანელო (თანაავტორი) // წ.1 კონსტრუქციის ელემენტები. - ბათუმი, ბათუმის შოთა რუსთაველის სახელმწ. უნ-ტის გამ-ბა და სტ., 2009. - 322გვ.