აკაკი ფირცხალავა

დაამთავრა საქართველოს ინდუსტრიული ტექნიკუმი 1931 წელს; ამიერკავკასიის ინდუსტრიული ინსტიტუტის 1940 წელს.

1940-1942წწ. მუშაობდა მდ. ხრამის ჰიდროელექტროსადგურის მშენებლობაზე უბნის უფროსად; იყო II მსოფლიო ომის მონაწილე; 1942-1945წწ. იბრძოდა საბჭოთა არმიის რიგებში; 1945-1947წწ. მონაწილეობდა კენინსბერგის, ბალტიისპირეთის ქალაქების - კლაიპედას, პალანგის, ლიეპაის, რიგის აღდგენით სამუშაოებში; 1947 წელს საქართველოში დაბრუნების შემდეგ მუშაობა დაიწყო მინისტრთა საბჭოში რეფერენტად; 1949-1950წწ. იყო მინისტრთა საბჭოსთან არსებული სასოფლო მშენებლობის მთავარი სამმართველოს მთავარი ინჟინერი, უფროსი; 1951-1961წწ. მუშაობდა საქართველოს მშენებლობის მინისტრის მოადგილედ; 1962-1966წწ. იყო "საქმშენბანკის" მთავარი ინჟინერი; 1966 წელს დაინიშნა საქართველოს სასოფლო მშენებლობის მინისტრის პირველ მოადგილედ; 1968 წელს საქართველოს სახელმწიფო საგეგმო კომიტეტის თავმჯდომარის პირველ მოადგილედ მშენებლობის დარგში; 1973-1987წწ. მუშაობდა საქართველოს მშენებლობის საქმეთა სახელმწიფო კომიტეტის თავმჯდომარის მოადგილედ; იყო საერთაშორისო სიმპოზიუმების, კონგრესების, კონფერენციების მონაწილე; ავტორი წიგნისა "სამშენებლო ნორმები და წესები"; ცნობილი მოჭადრაკე; საქართველოს ჩემპიონი (1949-1950).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.548

• საქართველოს დამსახურებული ინჟინერი