გივი ფიცხელაური

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1960 წელს.

1960 წელს დაიწყო შრომითი საქმიანობა საპროექტო ინსტიტუტ "თბილქალაქპროექტში"; 1971 წელს დაინიშნა N5 არქიტექტურული სახელოსნოს მთავარ კონსტრუქტორად; 1992 წლიდან მუშაობდა "თბილქალაქპროექტის" მთავარ კონსტრუქტორად; ხელმძღვანელობდა "თბილქალაქპროექტის" ავარიული შენობების აღდგენა-გამაგრების პროექტირების სამმართველოს; ხელმძღვანელობდა ქორწინების სასახლის (ბოჭორმის ქუჩაზე), ჭავჭავაძის სახელობის კულტურის სახლის (ხეთაგუროვის ქუჩაზე), აგრობიოტექნოლოგიის ს/კ ინსტიტუტის (სამხედრო გზაზე), სასტუმროს (ანაგის ქუჩაზე), მონკავშირის (ბაგებში) შენობების დაპროექტებას; მონაწილეობდა სასტუმრო "ივერიის" დაპროექტებაში; არის შოთა რუსთაველის სახელობის სახელმწიფო თეატრის აღდგენა-გამაგრების პროექტის მთავარი კონსტრუქტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.549