ანზორ ფრუიძე

დაბადების ადგილი: სოფელი ალპანა, ცაგერის რაიონი.

დაამტავრა საქართველოს პოლიტექნიკური ინსტიტუტის სამთო-გეოლოგიის ფაკულტეტი 1959 წელს.

1959-1961წწ. მუშაობდა სამშენებლო გაერთიანება "თბილმეტრომშენის" N212 სამშენებლო-სამონტაჟო მატარებელში მშენებელ ოსტატად; 1961-1965წწ. საქართველოს მშენებლობის სამინისტროს N6 სამშენებლო ტრესტის ქ. გაგრის N2 სამშენებლო სამმართველოში სამუშაოთა მწარმოებლად, უბნის უფროსად; 1965-1973წწ. იყო ამიერკავკასიის რკინიგზის სამმართველოს ბზიფის ღორღისა და განთიადის სამშენებლო მასალების ქარხნის მთავარი ინჟინერი; 1973-1975წწ. აფხაზეთის ავტონომიური რესპუბლიკის საბინაო-კომუნალური მეურნეობის სამინისტროს გაგრის კომუნალურ საწარმოთა კომბინატის დირექტორი; 1975-1992წწ. მუშაობდა საქართველოს სასოფლო მშენებლობის სამინისტროს N8 და N75 მოძრავ-მექანიზებული კოლონებისა და ამავე სამინისტროს სამმართველოს უფროსად; 1992-1992წწ. დევნილობის პერიოდში იყო ქ. გაგრის ვიცე-მერი, ხოლო 1995 წლიდან მერი; დიდი წვლილი აქვს შეტანილი აფხაზეთის ასსრ ეკონომიკური განვითარების შესახებ სსრკ მინისტრთა საბჭოს დადგენილებით გათვალისწინებული ობიექტების - კინდღის მეფრინველეობის ფაბრიკისა და გაგრის მერძევეობის კომპლექსის მშენებლობაში. მიღებული აქვს სსრკ მინისტრთა საბჭოს პრემია.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.551-552; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.293

• ღირსების ორდენი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი პირადი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• აფხაზეთის ასსრ დამსახურებული ინჟინერი
• საქართველოს დამსახურებული ინჟინერი