შოთა ფუთურიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1955 წელს.

შრომითი საქმიანობის სხვადასხვა ეტაპზე მუშაობდა სამშენებლო და საპროექტო ორგანიზაციებში; განვლო ყველა სამსახურებრივი საფეხური სამუშაოთა მწარმოებლიდან მსხვილი გაერთიანების ხელმძღტვანელამდე; 1958-1960წწ. მონაწილეობდა ისეთი მნიშვნელოვანი ობიექტების პროექტირება-მშენებლობაში, როგორებიცაა თბილისის N1 სახლსაშენი კომბინატი, მარნეულის რაიონის გაწყლიანებისა და სამელიორაციო ნაგებობების კომპლექსი, თბილისის რეკონსტრუქცია-განახლების პროექტები, თბილისის მეტროპოლიტენი, ხილ-ბოსტნეულის შენახვა-გადამუშავების საკავშირო ს/კ და საკონსტრუქტორო-ტექნოლოგიური ინსტიტუტის დიღმის კომპლექსი, მეღვინეობის კომპლექსები (კახეთში, ქართლსა და დასავლეთ საქართველოში), ჩაის გადამამუშავებელი ობიექტები (საქართველოში, აზერბაიჯანში, უზბეკეთსა და სხვა რეგიონებში), "ბაიკალ-ამურის" სარკინიგზო მაგისტრალის დასახლებები და სხვა; მიღებული აქვს სსრკ სახალხო მეურნეობის მიღწევათა გამოფენის (ВДНХ) ოქროს, ვერცხლისა და ბრინჯაოს მედლები, საქართველოს მინისტრთა საბჭოს პრემია, მედალი "ბაიკალ-ამურის მაგისტრალის მშენებლობისათვის". ტექნიკის მეცნიერებათა დოქტორი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.552-553

• საქართველოს ბიზნესის მეცნიერებათა აკადემია, აკადემიკოსი
• საქართველოს ეროვნულ და სოციალურ ურთიერთობათა აკადემია, აკადემიკოსი
• საქართველოს საინჟინრო აკადემია, მრჩეველი

• საქართველოს დამსახურებული ინჟინერი