თამაზ ქავთარაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1965 წელს; მოსკოვის რკინაბეტონის საკავშირო სამეცნიერო-კვლევითი ინსტიტუტის ასპირანტურა 1971 წელს.

1965-1969წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" N14 სამშენებლო ტრესტის N4 სამშენებლო სამმართველოში ინჟინრად, სამუშაოთა მწარმოებლად; 1969-1971წწ. საქართველოს საშენი მასალების ს/კ ინსტიტუტში - წამყვან ინჟინრად, განყოფილებისა და ლაბორატორიის უფროსად; 1971-1989წწ. მუშაობდა ქ. მოსკოვის რკინაბეტონის ს/კ ინსტიტუტში; იყო თბილისის სახელმწიფო უნივერსიტეტის საინჟინრო-ეკონომიკური ფაკულტეტის პედაგოგი; 1989 წელს დაინიშნა საქართველოს მშენებლობის საქმეთა სახელმწიფო კომიტეტის თაქვმჯდომარის მოადგილედ; 1991-1995წწ. იყო სახელმწიფო გაერთიანება "საქსაშენმასალების" უფროსის მოადგილე; 1996 წელს აირჩიეს სს "ბიზნესცენტრ-საშენმასალების" პრეზიდენტად; 1983-1989წწ. მონაწილეობდა საქართველოს სახელმწიფო ფილარმონიის მშენებლობასა და საქართველოს კპ ცენტრალური კომიტეტის გამომცემლობის შენობის რეკონსტრუქციაში; კურირებდა რუსთავისა და კასპის ცემენტის ქარხნების სარეკონსტრუქციო და სამშენებლო-ტექნოლოგიურ სამუშაოებს, მეტეხის კერამიკული საკედლე მასალების ახალი ქარხნის მშენებლობას; კოორდინაციას უწევდა სომხეთის რესპუბლიკაში საქართველოს საპროექტო-საძიებო და სამშენებლო ორგანიზაციების მიერ წარმოებულ მიწისძვრის შედეგთა სალიკვიდაციო-აღდგენით სამუშაოებს; იყო 14 გამოქვეყნებული ნაშრომისა და ერთი მონოგრაფიის ავტორი; იყო სხვადასხვა სახელმწიფო ჯილდოების კავალერი; ტექნიკურ მეცნიერებათა კანდიდატი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.554

• ღირსების ორდენი