ზაზა კალმახელიძე

დაბადების ადგილი: ქ. თბილისი.

დაამთავრა თბილისის სახელმწიფო კონსერვატორიის საგუნდო-სადირიჟორო ფაკულტეტი 1990 წელს, ამავე კონსერვატორიის ასპირანტურა-სტაჟირების კურსი, საოპერო-სიმფონიური დირიჟორის სპეციალობით 1993 წელს. 

1987-1989წწ. იყო საქართველოს სახალხო კაპელის დირიჟორის ასისტენტი; 1992-1996წწ. თბილისის ი. გოგებაშვილის სახელობის პედაგოგიური ინსტიტუტის პედაგოგი; 2003-2005წწ. თბილისის სახელმწიფო კონსერვატორიის საოპერო სტუდიისა და სტუდენტური ორკესტრის დირიჟორი; 1993 წლიდან იყო თბილისის ზ. ფალიაშვილის სახელობის ოპერისა და ბალეტის სახელმწიფო თეატრთან არსებული ექსპერიმენტული სტუდიის დირიჟორი. 1998 წლიდან ამავე თეატრის დირიჟორი. მისი ხელმძღვანელობით განხორციელდა შემდეგი საბალეტო სპექტაკლები: ლუდვიგ მინკუსის "დონ კიხოტი", პიოტრ ჩაიკოვსკის "გედების ტბა", "სერენადა", "მოცარტიანა"; იგორ სტრავინსკის "აპოლონ მუსაგეტი"; ჰერში კეის "სიმფონიური ვესტერნი"; ფერდინანდ ჰეროლდის "ამაო სიფრთხილე", ფელიქს მენდელსონის "ზაფხულის ღამის სიზმარი", ლეონარდ ბერნსტაინის "ლეა", კრისტოფ ვილიბალდ გლუკის "ჩაკონა", გაეტანო დონიცეტის "დონიცეტი-ვარიაციები", ლუი მორო გოტჩოკის "ტარანტელა", ადოლფ-შარლ ადანის "ჟიზელი", ანტონიო ვივალდის GREEN, ანდრე მესაჟეს "ორი მტრედი", ჰოლგერ სიმონ პაულის "კონსერვატორია" და ტოშირო მაიუზუმის "ბუგაკუ" და სხვა ნაწარმოებები. მუსიკოსი, საოპერო-სიმფონიური დირიჟორი.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.240; google.ge