აბრეკ ფხალაძე

სწავლობდა თბილისის საესტრადო სტუდიაში 1937-1939წწ., დაამთავრა  შოთა რუსთაველის სახელობის თეატრალურ ინსტიტუტის სამსახიობო ფაკულტეტი.

1950 წლიდან მოღვაწეობდა თბილისის მოზარდ-მაყურებელთა თეატრში. 1970 წლიდან მონაწილეობდა კინოგადაღებებში. მონაწილეობდა ფილმებში: "მშვენიერი კოსტიუმი" (ლ. ელიავა, 1973), "შერეკილები" (ე. შენგელაია, 1973), "თერმომეტრი" (რ. შარაბიძე, 1975), "გზა შინისაკენ" (ა. რეხვიაშვილი, 1981), "ცხელი ზაფხულის სამი დღე" (მ. კოკოჩაშვილი, 1981), "ადამიანთა სევდა" (გ. ჩოხელი, 1984), "წერილები ნაძვებს" (გ. ჩოხელი, 1986), "საფეხური" (ა. რეხვიაშვილი, 1986), "დამშვიდობება" (ზ. თუთბერიძე, 1987), "სამოთხის გვრიტები" (გ. ჩოხელი, 1997). დიდი სამამულო ომის მონაწილე.

წყარო: ქართული კინო, 1896-2011.- თბ., 2011.- გვ. 177; ეროვნული ფილმოგრაფიის პორტალი: geocinema.ge; ambebi.ge

• საქართველოს დამსახურებული არტისტი